日本投降

出自维基百科,自由个百科全书
1945年9月2號勒美軍中將理查德·薩瑟蘭個監督下頭,由日本外務大臣重光葵勒垃停勒東京灣密蘇里號浪代表日本政府簽《降伏文書》,邊浪搭重光葵幫忙個人是一淘做日本代表個加瀨俊一

日本投降是講1945年8月15號大日本帝國宣布無條件投降,外加勒該年9月2號舉行投降儀式還正式簽字投降,到該辰光第二次世界大战宣告結束。1945年7月,日本海軍實際浪已經嘸沒辦法繼續執行作戰任務,同時同盟國也弗斷實施東京大轟炸還開始策劃打進日本去個沒落行動。雖然軍事參議官會議做頭頭個日本政府公開表示原歸打算繼續堅持搭同盟國打仗,但必過日本高層也開始私底下拜託保持中立國立場個苏联談判和平個事體,巴望好盡可能爭取日本和平投降過後還勒垃有利個談判地位。但必過同時辰光,蘇聯還按照俚勒德黑蘭會議雅爾塔會議當中答應畀美國英國個事體,開始準備計畫攻擊日本勒海外佈署個部隊。

1945年8月6號搭8月9號,美軍分別勒廣島市長崎市厾原子彈。另外一方面蘇聯勒8月8號夜快決定單方面廢脫《日蘇中立條約》,還根據《雅爾塔協定》個約定準備展開八月風暴行動。1945年8月9號半夜過後,已經朝日本宣戰個蘇聯軍隊窮快打進日本個殖民地關東州、搭仔管滿洲地區個傀儡政權满洲国等。該兩個衝擊造成功8月14號辰光,昭和天皇決定要求軍事參議官會議接受美國、英國、中國搭蘇聯《波茨坦公告》當中簽好個停戰協定,外加通過駐瑞士搭瑞典的大使館來朝盟軍發放消息。經過交關趟幕後談判搭未遂政變過後,昭和天皇勒8月15號日本標準時間中浪12點鐘朝日本全國用錄音廣播個方式發表《終戰詔書》,宣布日本政府決定遵守同盟國集團個無條件投降個要求[1]

8月28號,駐日盟軍總司令開始接管政權還佔領日本,接下來同盟國集團就開始展開仔一系列戰後改革計畫,當中勒1947年5月3號公布仔新個《日本國憲法》。9月2號上半日10點鐘,包括日本、美國、中國、蘇聯、英國、澳大利亚加拿大法蘭西共和國臨時政府荷蘭新西蘭代表勒垃停勒東京灣個美國軍艦密蘇里號戰艦浪舉辦投降儀式,日本政府官員勒該搭簽仔《降伏文書》,正式結束第二次世界大戰當中雙方個軍事行動。勒第二次世界大戰結束過後,同盟國平民搭部隊開始慶祝第二次世界大戰對日戰爭勝利紀念日[2][3]。必過有點還勒亞洲太平洋島浪向自家打仗個日本指揮官搭軍事人員原歸繼續堅持打仗,甚超至於一直到1970年代為止阿末幾個士兵勒曉得戰爭結束個消息過後再宣布投降。自從日本宣布投降過後,歷史學家也開始辯論針對平民厾原子彈個倫理道德問題。必過日本搭西方同盟國是勒1952年4月28號個辰光,由包括日本勒裏向個48個國家一淘簽仔《舊金山和約》並且生效過後,再正式從法律層面浪結束互相個戰爭關係;同時辰光日本也結束仔7年長個同盟國軍事佔領狀態,重新恢復日本個主權行使能力。到仔1956年個辰光,日本政府再另外搭蘇聯簽仔《日蘇共同宣言》結束兩國個戰爭狀態。

參考[编辑]

  1. (日文)小堀桂一郎(1995年8月4日).東京裁判 日本の弁明.日本音羽:講談社學術文庫 
  2. Victory in Japan (V-J) Day (英文). 歷史頻道.
  3. 1945: Allied nations celebrate VJ Day (英文). 英國廣播公司.