大日本帝國

来自维基百科
蹦到: 导航搜寻

大日本帝國日本勒1889年到1945年辰光用個國號,是從《大日本帝國憲法》出來個,雖然1936年過後再成為官方文件浪個通用國號;1947年《日本國憲法》頒布過後,日本官方弗再用該隻名字做正式國號。除脫用來叫《大日本帝國憲法》實施下頭個日本,國際浪蠻多用該隻名字來叫日本從1868年明治維新開始到1945年二戰戰敗個辰光,天皇掌握政治實權,同時辰光勒國內搞現代化、勒國外搞擴張政策個歷史時期

日本勒明治維新過後,政治權力武家回到仔天皇手浪,還開始實施一系列個現代化措施,勒政治、經濟搭社會各個場化全面西方化,讓國力慢慢較變大;對外關係浪,通過一連串個條約改正措施逐漸廢脫幕末辰光搭西方列強簽個不平等條約,還拿「富國強兵」做口號積極朝外頭擴展勢力範圍,對周邊國家實施軍事經濟侵略,成為仔東方世界唯一個新帝國主義國家。雖然勒國內搞民主憲政,但必過1930年代中期過後,日本法西斯主義逐漸抬頭,軍部搭大政翼贊會掌控政治權力,後歇來爆發個中国抗日战争太平洋戰爭,讓日本變仔發起二戰個軸心國之一,還是日本一連串侵略行動個最高峰。1945年日本投降過後,同盟國實施軍事占領,還搞仔宪法政治制度個改造,到該歇辰光「帝國」時期總算結束哉。

勒用「大日本帝國」國號個辰光,日本有交關用「大日本」或者「帝國」做名字個公司搭機構,譬方帝國大學、帝國人造絹絲(今朝個帝人)等,打仗結束仔因為各種原因改脫或者簡化名字,必過也有保留老早名字個,譬方帝國飯店集團大日本住友製藥等。