徽語

吴语维基百科,自由个百科全书
(从徽语转戳到箇里)
跳到导航 跳到搜索
徽語
使用国家 : 中国 中华人民共和国 
Region: 吳越錢塘江上游舊徽州府嚴州府及部分饒州府,約12個縣;今黃山市轄下地區,江西景德鎮市東北部地區搭浙江西北部建德市一帶
使用人数: 320萬人
语系: 漢藏語系
 漢語族
  徽語
言话代码
ISO 639-1:
ISO 639-2: 待補加
ISO/FDIS 639-3: czh 
Idioma hui.png 

徽語(亦稱徽州闲話)是一类分佈拉新安江流域及周邊以古徽州府爲核心區域个漢語方言。徽語曾經来拉相當長个辰光裏向,畀認爲是吳語个一個方言;《中國語言地圖集》出版後,佢開始畀承認是漢語中一種獨立方言,但關於其歸屬至今仍有爭議。有觀點指出來,徽語與吳語閩語共同起源於古代江東方言,現代徽語分化於吳語吳語與徽語可畀視爲同屬一個方言大區。吳語本是皖南地區土著方言,皖南方言早期應是蘇南浙西吳語个延伸,而徽語乃是其中之南片受贛語影響所形成个一種特殊方言。[1]學者指出,徽語中朆見有特色鮮明个共同標識,搭鄰近个吳語贛語相較,徽語兼具兩者特色,如聲母系統接近贛語,而韻母系統則與南部吳語接近。 總體而言,徽語是歷代中原漢人个漢語吸收融合仔徽州土著山越个語言而形成个一種獨特方言。明清以來,周邊方言(吳語贛語)个影響亦使徽語个表現力得以增強、內部分歧加大,舊時徽州闲話以歙縣縣城話爲代表音,乃朝咾由於行政中心个變遷,屯溪話成爲徽州闲話代表音。徽州闲話保留了很多个古音因素,搭北语差別大,搭吳語一樣,徽語个強迫式連讀變調是另外一隻異於北语个顯著特徵。[2]

地理分佈[编辑]

分佈於新安江流域及其周邊个三省交界之地,包括安徽省徽州府地(含今屬江西个婺源縣)、浙江省嚴州府地今淳安縣建德市江西省饒州府地今德興縣浮梁縣。以目前行政區劃而言,包括安徽省地級黃山市(黃山區僅限南部湯口鎮、譚家橋鎮)、績溪縣旌德縣(僅限西鄉)、甯國市(限於南部洪門鄉等地)、東至縣(限於東南郎木塔一帶)、石埭縣(限於占大鎮)等,江西省婺源縣、浮梁縣德興縣(上德興地區)、浙江省淳安縣建德市(弗包括乾潭鎮、欽堂鄉、大慈岩鎮吳語區)等地。

方言分區[编辑]

《中國語言地圖集》擔徽語分爲績歙、休黟、祁婺、旌占、嚴州5片。[3]其中績歙片、休黟片及祁婺在歷史上儕屬徽州府轄地,可視爲徽語核心區或本土區;其餘兩片垃拉徽州核心邊緣,可視爲徽語个輻射區或延伸區,最新个中國漢語方言地圖集擔婺源從休黟片劃入祁德片,並將擔德片改成功祁婺片,昰然咾,徽語个三塊核心區域齊巧涵蓋脫徽州府所轄六縣。[4]

績歙片[编辑]

包括績溪、歙縣、旌德(西部洪川一帶)、甯國(南部洪門鄉等地)、淳安(西部塘村等地)共5縣,地處徽語區東部。 本片方言可視爲核心徽語,但受吳語影響較大,韻母接近北部吳語。其主要特徵有:[5]

  • 古全濁聲母今讀清音,逢塞音塞擦音弗論平仄大儕送氣。
  • 古入聲字大多帶有喉塞音[-ʔ]韻尾。
  • 具有豐富个AAB搭BBA結構形式个詞語。

休黟片[编辑]

包括休寧、屯溪、黟縣、祁門(東南部鳧峰一帶)、太平(西南部郭村等鄉)共6縣市,地處徽語區个中部。 本片方言可視爲核心徽語,韻母複雜,如屯溪話韻母多達32個,接近南部吳語。其主要特徵有:[6]

  • 古全濁音今讀清音,逢塞音平聲常用字多讀弗送氣聲母。
  • 大多具有長介音韻母。
  • 有豐富个[-n](兒)化詞搭AnB式嵌[-n-](兒)詞語。

祁婺片[编辑]

包括祁門、婺源、東至(限於東部木塔一帶),江西浮梁、德興,共4縣,地處徽語區个西部。 本片方言處於贛語包圍下,受其影響較大。其主要特徵有:[7]

  • 有舌尖後音[tʂ]、[tʂʰ]、[ʂ]聲母。
  • 習慣用“嬤”、“牯”表示動物个雌雄。
  • 在句末用“湊”表示動作再次重複;比較句習慣直接用結果說明問題。

旌占片[编辑]

包括旌德縣、祁門(安淩、城安、赤嶺一帶)、石埭(限於占大區)、黟縣(限於北部美溪、柯村等鄉),共4縣,地處徽語區个北部。 本片方言地形狹長,垃拉徽語區北緣,受鄰近个淮官、宣州吳語影響較大。其主要特徵有:[8]

  • 內部一致性小,語音差異較大。
  • 子綴詞較多。
  • 用“著”、“之”作爲表示進行態與完成態个助詞。
  • 常用XAXA結構形式來加強形容詞个意義。

嚴州片[编辑]

包括浙江淳安(含舊遂安)、建德(含舊壽昌)兩縣市,地處徽語區个東南部。在吳語个長期衝擊下,尚存徽語基本特徵。淳安搭遂安有得交關大个獨持性,跟南部吳語差別老大,無法歸入南部吳語。嚴州方言與南部吳語有糾葛个問題有兩個。一是建德、壽昌个文讀系統跟金華城裡方言个文讀系統交關接近(跟蘭溪、龍遊等地个文讀系統也蠻接近),二是壽昌个白讀系統裏向也有得一些與南部吳語持別是金衢片吳語相近个特點。

共性特徵[编辑]

徽語搭諸多東南地區漢語方言一樣,保留仔古漢語个交關語法規則搭發音。其語音特點是輕柔舒緩、抑揚頓挫。自古以來,由於徽州地處山區,交通弗便,各個區縣个人交流有限,發音無法統一,以致皖南徽語个發音千差萬別。即使是在一隻縣裏向,人們往莊儕無法用各自个徽語正常溝通。徽語中具有較強共性特點个特徵可概括爲語音特徵、詞彙特徵、語法特徵三類。[9]

語音特徵[编辑]

主要有五點:

  • 古全濁聲母在徽語中清化(部分開口呼匣母字有濁流),逢塞音、塞擦音聲母時儕有得讀送氣个情況。其中以弗分平仄皆讀送氣音个情況頂頂普遍。如,“朋病白”讀 [pʰ]聲母,“桃豆達”讀[tʰ]聲母,“葵跪共”讀[kʰ]聲母,“從坐雜”讀[tsʰ]聲母,“程丈直”讀[ʨʰ](或[tsʰ])聲母,“求近局”讀[ʨʰ]聲母,“崇助”讀[tsʰ](或[tʂʰ])聲母
  • 知系三等字,除通攝外,在徽語中大都讀成[ʨ]、[ʨʰ]、[ȵ]、[ɕ]聲母。如:“知周張豬”讀[ʨ]聲母,“遲朝陳春”讀[ʨʰ]聲母,“箬認繞熱”讀[ȵ](或[n])聲母,“燒收上說”讀[ɕ]聲母,今音多讀ʨ、ʨʰ、ɕ聲母,如績溪「張」ʨio。莊組和知組二等韻个字,,今音大多讀ts、tsʰ、s聲母,如屯溪「沙」sɔ
  • 古日母字今音大多讀n、ȵ,少數字讀零聲母,極少數讀z。如旌德「然」ȵi、績溪「蕊」y、休寧「肉」ȵiɔu 、績溪「柔」zɪi 績溪嶺北「人」z&aelig
  • 開口二等見、曉組字,今白讀仍爲牙喉音,韻母也讀洪音。如歙縣「甲」kaʔ。文讀讀爲舌面音,如績溪「孝」ɕie孝順 / hə孝衫
  • 影母和疑母字逢開口呼韻母在徽語中都讀疑母[ŋ],疑母洪音大多讀ŋ,細音前大多讀ȵ與泥日母混同。如休寧「瓦」ŋɔ、績溪「危」ŋa/文、 祁門「語」ȵy、屯溪「獄」ȵiu;影母字今讀開口洪音韻時,大多讀成ŋ聲母,如 黟縣「矮」ŋa、歙縣「鴨」ŋaʔ
  • 古微母有文白異讀——v/w和m,白讀與明母合流讀如m,如績溪「物」vəʔ動物 / məʔ物事,績溪「網」「忘」mong;古敷母個別字有白讀如pʰ,與滂母合流,如績溪 「孵」「訃」pʰu;古章母個別字有白讀,讀如舌頭音t,與幫母合流,如 績溪「只」tie;古非母個別字與曉母合流(聲旁爲“方”),如績溪 「方」hong  
  • 蟹攝一二等字,今音大多弗帶i尾、效攝一二等字,今音大多弗帶u尾。如黟縣「柴」ʃa、績溪「雷」læ、屯溪「燒」ɕio
  • 深、臻攝陽聲韻搭曾、梗、通攝陽聲韻,今音讀陽聲韻个辰光大多混同。如 「真」、「針」、「蒸」,各地韻母相同
  • 陽聲韻除通攝外,在徽語中已經弗同程度个出現轉化爲陰聲韻个現象,鹹、山兩攝轉化个最快,宕、江攝次之(尤以屯溪爲最)。如 旌德「三」sæ,歙縣「縣」yue,屯溪「江」gao
  • 流攝一等字,今音大多讀細音韻母,與三等韻混同。如 「樓」=「流」
  • 部分老派泥來二母逢洪音相混,新派基本區分泥來二母
  • 各地“大”白讀大多符合「唐佐切」,如 湯口 「大」tʰɐ、屯溪 「大」tʰo;「弄」大多讀來母,符合古音「盧貢切」, 如績溪 巷弄 long;「鳥」有白讀,如 休甯tien符合古音「都了切」,祁門「打」字符合古音德冷切
  • 古上聲通常分爲陰陽或合爲一調,古全濁上聲一般弗歸陽去,如 績溪「婦」「辮」今仍讀上聲,調值爲213,部分方言上聲字帶喉塞音,如婺源「主」讀 ʨyʔ22,搭溫州等戶蕩相似。

詞彙特徵[编辑]

主要有八點:

  • 詞彙上,一些關鍵性个日常用詞大體相同。如把東西話成功「物事」,用「弗曾」表示沒有做過某事,用「麼个(仂)」代表什麼,用「嬉」弗用玩咾啥。
  • 用詞根“夜”構成个詞語較多,也較一致。徽州山區單夜到7至10點與午夜、淩晨統稱爲“夜”。所以擔“夜到”叫“到夜”,傍晚叫“挨夜邊”或“快夜邊”,晚飯叫“夜飯”,夜班幹活叫“打夜做”,喫宵夜叫“喫半夜餐”。
  • 擁有交關反映山區地貌特徵个方言詞。如:石埭袒露个巨石、山塢、山培山坡、草皮坦山畔平地、曬壇小面積个高臺、源水系个上游、溪瀨小河、葫蘆鱉鵝卵石、樹林窠、田塍、水圳田頭村中个水渠、水口具象徵意義个村頭景致等。
  • 表示“天”時間个詞根大多用“日”和“朝”。如:今朝、今日、明朝、明日、後朝、後日…上半日、下半日、日間、日朝、日日、日日朝天天等。
  • 具有一批反映徽派建築特色个詞語:八字牆、門樓、馬頭牆、風火牆、明堂天井、水筧連接屋簷與下水道个水管、堂前、重屋上下兩層結構个樓、門枕、門舌、閣橋、雞籌雞舍、板壁、牆圍院子、廊橋等。
  • 習慣擔表示動物雌雄个語素置於種稱語素之後。如:雞公、雞母、豬公、豬屌、豬婆、豬嬤、豬娘、狗婆、狗牯、咪娘、水牯、水沙(本字爲“沙+牛”)、黃牛牯、黃牛婆等。
  • 竹製品叫法較爲一致。如:困簟竹席、曬簟曬穀物个竹席、盛筐、簸米、子簍播種用腰間小簍、貓歎氣有蓋篾編盛具,可防畀貓鼠偷食籮、籃、笐竿曬衣竿等。
  • 具有諸多禮教色彩濃厚个親屬稱謂詞。如:朝奉祖父(畀朝拜侍奉者)、老朝面稱祖父、老奉面稱祖父、阿朝面稱祖父、朝朝面稱祖父、相面稱父親(如宰相一般个主宰者)、阿相面稱父親、老官(黟)祖父、官人、官客、小官(績)兒子、大郎(休)兄、弟郎;老姨(歙)祖母、老婺兒(黟)祖母、婺、婭(黟)祖母、婄(休、屯)祖母、嫗(祁)祖母、老嫗、堂家妻或族中婦女、堂客、姆母親、阿姨(績)母親、娘(黟)音“婗”,母親等。
  • 人稱代詞个單複數形式較爲一致。如:我、卬、爾、渠/佢、卬人我們、我人我們、我大家我們、爾人你們、爾大家你們、渠人他們、渠大家他們

語法特徵[编辑]

主要有六點:

  • 副詞“嘸沒”與動詞“嘸沒”用弗同个詞表示。前者大多說成“弗曾”,後者仍說“沒有”。
  • 大都採用介詞與方位片語成个指示性結構加在動詞前面表示正在進行態。如:1. 渠在那哪寫字。2. 渠是個裡喫飯。
  • 表示動作行爲再次重複或增加个“添”或“湊”習慣置於句末。如:1. 喫晚飯添。2. 唱個歌添。3. 嬉一日添。
  • 表示動作行爲先於後者一步个“起”習慣置於句末。如:1. 爾喫起,我去去就來。2. 爾坐下起,渠馬上就來。
  • 習慣搭謂語動詞後面个補語成分“不過”置於句末。如:1. 我打渠不過。2. 我比渠不過。
  • 具有兩種比較特殊个肯定句與否定句:用[tsʰ]或[n31]表示肯定:爾去開會弗?答:[tsʰ]去/[n31]去。用[pfʰ]或[m242]表示否定:爾去開會弗?答:[pfʰ]弗去/[m242]弗去。

共時差異[编辑]

徽語是一個具有共性特徵个土語群,由於山區特有个地理環境,造成徽語弗同小片之間甚至內部儕極具差異。以下幾點是徽語各方言个主要共時差異。[10]

語音差異[编辑]

徽語各方言在語音方面差異頂頂大,主要體現在以下方面:

  • 古全濁聲母在徽語中清化以後逢塞音、塞擦音儕有讀送氣个特點,但具體情況並弗完全相同。如,建德話來自古平、上、入三聲个全濁聲母字儕弗送氣,衹有古全濁去聲字才讀送氣清音聲母。
  • 知系二等字各地大都讀[ts]系聲母,而祁德片方言卻是讀翹舌音[tʂ]系聲母个。
  • “桂葵慧”聲母在大多數地方是讀喉音个,但在休寧話中卻齶化讀爲[ʨye55]、[ʨʰye55]、[ɕye33]。
  • 來自古上聲个全濁聲母字,在德興、浮梁、占大話中與陽去讀成一類个情況,也搭徽語上聲字个演變規律相悖。
  • 古日母字在徽語中一般讀成[ȵ]、[n]或零聲母,但績溪上莊話卻是讀[z]聲母个。
  • 古四聲在徽語裏向多數演變成6個聲調,但旌德話衹有4個聲調,而壽昌話嚜多達8個聲調。

詞彙差異[编辑]

徽語詞彙中異形詞與異義詞諸多。 以下列舉一些詞彙来拉各地个弗同說法:

  • 閃電:打閃電、打月閃、扯熱閃、打閃閃、打扯、打扯霍、打閃亮、演閃展、打火線、發閃、打氣哈兒、亮閃頭、扯閃、打霍閃、亮天條等。
  • 向日葵:葵花蓮、葵花蓬、朝日蓮、金桂蓮、珠珠蓮、絲瓜蓮、楂葵、旗花等。
  • 蝙蝠:偷油燕、偷油老鼠、皮猴老鼠、老蝠飛翼兒、老蝠布翼、老鼠臂翼、老鼠蒲翼婺源、鹽老鼠、皮燕兒、簷老鼠、鷹老鼠鳥、飛翼老鼠、鼻燕、鼻裡、老子鼻翼、天行老鼠等。

有一大批相同詞彙,在各地意義有異,譬如:

  • 老官:在黟縣話是用來稱呼祖父,績溪話卻是指丈夫。
  • 娘娘:在淳安、建德方言裡指祖母,休甯、黟縣卻是指姑母。
  • 姐姐/阿姐:在各地大多是指姐姐,而壽昌話裡卻是指祖母。
  • 老嫗:在各地大多是指老年婦女或妻子,而祁門話裡卻用來指祖母。
  • :在大多地方是指母親个姐妹,但在績歙片裏向也有稱祖母爲“老姨”、稱母親爲“阿姨”个。

語法差異[编辑]

徽語各方言語法方面个差異也很多,如:

  • 績歙片、休黟片、嚴州片中个“VV+補語”動補結構(如“講講清楚”、“洗洗乾淨”),在旌占片、祁德片中少見。
  • 績歙片方言中有大量个XXA形容結構(如“貓貓軟”、“雪雪白”、“泊泊淡”),在其餘各片中亦少見。
  • [-n]尾兒化形式衹在休黟片、祁門方言中才多見。
  • 多數地方擔“打弗過某人”說成“打某人不過”,德興話卻習慣說成“打某人不贏”。
  • 大多地方擔表示動作行爲重複个“再XX”說成“動詞+(數量)+添”(如“嬉一日添”),而婺源、德興話卻話成“動詞+(數量)+湊”,搭贛語相同。
  • 表達完成態个助詞在各地多有弗同。如“我喫仔飯了”,在歙縣徽城話說成“我喫哩飯囉”,屯溪話說“我喫飯了著”,黟縣話說“我喫飯了了”,婺源話說“飯我喫之了”。

其他語音差異[编辑]

此外,還有些弗夠齊整个語言現象   

  • 屯溪、休甯、祁門、歙縣,績溪嶺北,今齊齒呼前還分尖團(績溪嶺北鹹山攝字弗分)   如: 想≠香 清≠輕 精≠京 (注:績溪嶺北 先=顯 ɕin);而在績溪、黟縣、旌德中,已經弗分了(績溪鹹、山、流攝字分尖團)   
  • 績溪、祁門、黟縣話裡,鹹、山、宕、江、梗攝个陽聲韻字,還弗同程度个保留了鼻音特徵;但是在旌德、屯溪、歙縣、休寧話裡,昰些攝韻个陽聲韻已經轉化爲陰聲韻;古陽聲韻在徽州闲話中分化很弗一致,在績溪、歙縣話裏向,除脫已經轉化爲陰聲韻个,其他已經弱化爲半鼻音;在屯溪、休寧話裏向,除脫已經轉化爲陰聲韻个,其他儕收n鼻音韻尾;在旌德、黟縣話中,除脫已經轉化爲陰聲韻个,其他均收ŋ韻尾;衹有祁門話全部保留著陽聲韻,既有半鼻音韻母,也有收n搭收ŋ个鼻音韻母

徽州闲話个來源[编辑]

徽州闲話个來源一直是一個謎團,從地圖上來看,徽州深處山區,與宣州大體以黃山山脈爲界,北邊撒西邊爲宣州吳語區(現爲江淮官話宣州吳語贛語等多方言區),東北方向爲吳語太湖片,东南方向爲婺州片處衢片,南邊爲贛語。交地理丄一樣,徽語来拉音系上也表現爲過渡帶,聲母特點近似客贛,而韻母搭詞彙類似於吳語特別是南吳,可以推测北部吴语即吴语太湖片形成较迟。

通常汉语一级分区应用浊音标准,而徽州闲話内部就不统一,但是《中國語言地圖集》还是拿渠单列出来。《地圖集》問世以來,語言學界,特別是方言學界渠个分區方案弗斷有所議論。就“升格”个三個方言區(另有平话搭秦晋闲话)而言,討論徽州闲話个比較少。因爲徽州闲話个特殊性似乎早有定論。史语所1939年就单列“皖”,1948年改称“徽”。趙元任也擔徽州闲話看作是漢語方言中獨特个一支——先後發表了《績溪嶺北音系》(1962)搭《績溪嶺北方言》(1965),揭示徽州闲話个面貌。二十世紀八十年代以來,方言學者鄭張尚芳、伍巍、平舊昌司(日)等先後對徽州方言進行仔調查,發表了一批關於徽州方言个著述,進一步揭示了徽州方言交關與眾弗同个特徵。徽语单列出来实际上是因为介大块分区难以㓰进别样汉语,学界也认识到过渡区个客观存在,不过像煞江淮闲话也有类似个局面。同时,有学者拿吴徽语算拉一淘,赛过江淮闲话还来拉北语里向。

引用注釋[编辑]

  1. 李如龍,《漢語方言學》.北京:高等教育出版社,2001年,第17頁.
  2. 孟慶惠,2005,第3頁。
  3. 《中國語言地圖集》B10“安徽南部方言”
  4. 孟慶惠,2005年,第29頁。
  5. 孟慶惠,2005年,第31頁。
  6. 孟慶惠,2005年,第129頁。
  7. 孟慶惠,2005年,第227頁。
  8. 孟慶惠,2005年,第283頁。
  9. 孟慶惠,2005年,第20至23頁。
  10. 孟慶惠,2005年,第23至27頁。