江淮闲话

来自维基百科
(从江淮官话转戳到箇里)
蹦到: 导航搜寻
Mandarín jianghuai.png

江淮闲话,又讴淮语,是中国江淮人使用个日常语言(弗过因为推普关系,立在一些江淮地区大城市也受到冲击),通常算拉北语里向(“下江官话”、“江淮官话”)。

分布[编辑]

江淮闲话主要分布来江苏安徽两省个长江搭淮河之间,故而得名。

江淮闲话来江苏搭仔安徽个南许也有分布,江苏南部个南京搭镇江虽然乡下还有讲吴语个,城区侪是讲江淮闲话个。安徽南部除脱徽州本生侪主要是讲吴语个,太平天国运动之后,土著死到七零八落,外地移民人数浪超过本地人,里向又以安徽江北个移民为多,个了该歇城市里向多数是讲江淮闲话个;土著吴语主要只来拉有星乡下头讲,而且还来浪慢慢教拨江淮闲话取代。

特点[编辑]

江淮闲话来拉北语里向个突出特点主要是还保留中古汉语个入声,形式浪是以喉塞音结尾个短元音,个末一般性典型个江淮闲话有阴平、阳平、上、去、入五个声调。再一个典型个江淮闲话个韵母有单化个趋势,咸山摄也经常性发成鼻化音。

对于讲吴语个人来讲,江淮闲话个另外一只交关突出个腔调浪个特点就是俚个阴平多数读低降调。

代表[编辑]

江淮闲话一起先是南京话代表个,该歇蛮多人拿扬州话作为俚个代表。南京淮语也是南派官话系统个代表。

分片[编辑]

一般性该歇拿江淮闲话分成功三片:洪巢片、通泰片搭黄孝片。

  • 洪巢片是相对典型个江淮闲话。声调只有5个,比普通闲话多一只入声。古全浊声母个分化搭普通闲话一样,即“平送仄不送”。
  • 通泰片一般性拨拉认为是江淮闲话里向吴语底层顶顶丰富个一片,也好看成是吴语搭典型个江淮闲话个过渡闲话,有交关多搭吴语个共同词汇。俚一般性有六七隻声调,古全浊声母一律读送气音,搭赣客语一样。有学者拿箇片搭宣州、衢州个吴语一淘算作边缘吴语。
  • 黄孝片该歇有交关多人勿认为是江淮闲话。俚分布来湖北省,主要特点是入声读长调,勿读一般江淮闲话个喉塞音,因为有入声,所以就拨拉归到江淮闲话里向。有星人认为俚实骨子是西南北语个原始形态,间接个证据是有讲武汉闲话个入声一径到民国初年再呒得个。

独立[编辑]

通常汉语一级分区应用浊音标准,拿江淮闲话算拉北语里向。从箇点来看,江淮闲话搭秦晋方言呒啥两样。《中国语言地图集》以“山西省以及毗邻地区有入声的方言”作为标准,拿后者从北语里㓰出来,同样远离中原、保留入声个江淮闲话,夹拉北语、吴语之间独立不得。

外链[编辑]