卢森堡历史

卢森堡历史除开作为国家个卢森堡历史为主外，还包括老底子卢森堡个领土个历史。外加，因为地理位置关系，比利时、荷兰卢森堡迭三个国家，一直拉1830年前，因各国纷争、条约或继承权问题而弗断出现领土变更、重划甚到是主权或治权变动，故咾通常奈迭三国叫低地国家来一道讨论。

虽然拉历史上个纪录可以追溯到罗马时期，通常卢森堡侪以公元963年作为卢森堡历史个起点。从中世纪辰光修建卢森堡城堡开始，慢慢交变成功大公国。曾经有过三位王子加冕成为神圣罗马帝国个统治者，曾经强大个卢森堡家族没落，绝嗣也同时造成国家独立个终结。曾拉1443年被勃艮第公国佔领，阿末拉勃艮第公国衰落后，拉1477年被过继给哈布斯堡王朝。

卢森堡地理位置拉垃战略地点，法国、德国搭荷兰侪邪气重视，因此卢森堡经常被弗同国家佔领。拉被法国革命军占领后，1815年个维也纳会议上，卢森堡被授畀“大公国”个地位，通过共主联邦个方式加入荷兰王国。必过箇会议同样造成卢森堡第二趟领土畀人家瓜分。虽然将卢森堡个领土缩减弗少，必过慢慢交确立渠个独立国家地位，1867年个卢森堡危机仔么渠个独立国家获得重大个认可。1890年，荷兰国王威廉三世故脱仔么，因为继承法弗同，阿道夫一世即位，卢森堡彻底成为完全独立国家。必过箇也让卢森堡慢慢交落入德国个势力范围，两趟世界大战里向侪畀德国佔领过。 二战结束后，卢森堡正式废弃永久中立国个立场，开始积极加入各种协约托组织，是欧盟个创立成员国之一。

古代史~中世纪洛林公国

古代史

乃朝卢森堡大公国所涵盖个领土范围内，有证据可以推测约拉3万5000年前个旧石器时代便有人类居住拉此。最古老个人工制品拉欧尔丹奇(英语：Oetrange)发现。

然而，第一条真正可以显示出文明存在个证据房屋遗迹，推测出约公元5000年左右个新石器时代有人居住拉此。迭些建筑是木材组合而成个简单建筑，枝编物为基底个土质墙，屋顶用浓密茅草编织而成。同时期个陶器制品则是拉乎尔默胜附近发现。

而关拉青铜器时代初期个相关证据并弗多，但仍有一些地点发现包括居住遗迹搭仔陶器、刀具搭仔珠宝等人工制品，可以追溯并推测约公元前1300～800年左右有人居住。

约公元前600年到100年时个铁器时代曾有凯尔特人拉此居住。其中一支叫特雷维里人个高卢部落，拉公元前一世纪时达到鼎盛，拉乃朝卢森堡南部、德国西部搭法国东部个摩泽尔河谷附近建立数座城市搭铁器时代堡垒驻地。交关多迭时期个考古学证据侪是拉古墓中发现，迭些古墓约占地50公顷并侪显现出托提特贝尔格有高度相关，其中发现弗少铁器时代个住所搭人工制品。

罗马帝国时期

前53年，罗马个高卢总督凯撒征服箇地区，凯萨个高卢战记留下来卢森堡历史顶早个描述。

拉罗马征服期间，特雷维里人展现出比别样高卢部落更加合作个态度，豪慅接纳适应罗马文明。原本特雷维里人是凯尔特高卢人个一支并居住拉此地，必过公元90年，时任罗马皇帝图密善进行改革，奈渠垃重新迁移到比利时高卢地区。

4世纪开始，多支弗同民族托部落入侵罗马帝国，卢森堡地区畀法兰克人渗透，阿末罗马帝国拉公元406年放弃此地区，奈渠个交给法兰克人以卫戍高卢东北疆域。

加洛林帝国托洛林公国时期

卢森堡地区拉公元480年左右变成墨洛温王朝治下奥斯特拉西亚地区个一部分，阿末成为加洛林帝国个核心领土。

843年，凡尔登条约奈卢森堡等低地国家分封畀中法兰克王国个洛泰尔一世，但又拉公元855年洛泰尔一世死亡后，被分封给洛泰尔二世，成为洛泰林吉亚王国个一部份。阿末于公元959年布鲁诺一世奈洛泰林吉亚王国分裂为二，而卢森堡地区则被分到下洛林公国之中，纳拉神圣罗马帝国底下。

中世纪卢森堡托卢森堡王朝

卢森堡伯国(10~13世纪)

卢森堡个信史始拉公元963年。伊辰光个亚尔丁伯爵齐格菲一世，以自家个祖传领地个一部分托特里尔圣马克西姆修道院个僧侣们交换，得到博克(卢森堡语：Bockfiels)山丄向个古老堡垒卢西林堡贺克(德語：Lucilinburhuc)，故咾控制阿尔泽特河谷，是伊辰光神圣罗马帝国西部疆界个一部份。渠个子嗣从11世纪开始自称卢森堡伯爵，而渠个领地也就叫卢森堡伯国，是齐格菲伯爵个封邑而流传下来。拉11~13世纪，领土扩张，卢西林堡贺克成为卢森堡伯国个枢纽。

卢森堡公国(14~15世纪中)

第一位皇帝托卢森堡王朝兴起

拉14世纪初，卢森堡家族终于有成员坐上皇位，开启卢森堡王朝个强盛时期。 伯爵亨利七世拉渠个主教兄弟鲍德温支持下，先拉1308年个王子选举中胜出，成为罗马人民个国王，后拉1312年被加冕为神圣罗马帝国皇帝，可惜隔年便逝世。

但是渠个儿子，瞎子约翰一世，拉父亲个帮助下，拉1310年继承卢森堡伯爵爵位并成为波西米亚国王，并因捲入1337年开始个百年战争，拉1346年克雷西会战为帮助法国国王而英勇战亡。

晋升公国

同年(1346年)，渠个子查理四世继承渠个波西米亚王位搭仔卢森堡伯爵爵位，并拉1347年成为罗马人民个国王。 1354年，查理四世奈卢森堡晋升为卢森堡公国(英语：Duchy of Luxembourg)，并奈爵位交与其半弟文策尔一世，也就是第一位卢森堡公爵。

1355年，查理四世正式被加冕为神圣罗马帝国皇帝，成为卢森堡王朝第二位皇帝，并且拉在位期间弗断为家族拓展领土。1364年，接收奇尼郡仔么，领土大大扩张超过一万平方公里。

最后一位皇帝托没落 

卢森堡王朝第三位皇帝，也是最后一位，是西吉斯蒙德。

加冕为咾皇帝搭仔地位个提升，反而让西吉斯蒙德慢慢交无视原本个领土搭仔经济状况，阿末勒垃1411年因为无力偿还借款而违约，拿卢森堡公国交给渠个侄女哥利兹个伊莉莎白，阿末拉1437年撒手人寰。伊莉莎白拉1443年被勃艮第公爵菲利普三世驱逐，卢森堡畀勃艮第公国吞脱，变成荷兰隻省。

哈布斯堡王朝(1477~1795)

勃艮第荷兰个一省

菲里普三世1443年征服卢森堡仔么，卢森堡一直畀荷兰统治，只好弗断个跟咾荷兰个君权更迭。

1477年，时任勃艮第公爵个大胆查理拉南锡战役战死。 由于没男性继承人，勃艮第出现继承危机，畀法奥两国瓜分。 奥地利哈布斯堡王朝个马克西米利安一世得到低地国家，勃艮第公国灭脱。

哈布斯堡王朝统治时期(1477~1795)

哈布斯堡荷兰个一省(1477~1516) 

得到低地国家个哈布斯堡王朝马克西米利安一世，奈卢森堡一道并入神圣罗马帝国麾下。

西班牙哈布斯堡统治时期（1556~1715)

西属荷兰个一省

迭段期间，卢森堡身处重要战略位置也招致各方争夺，而统治者也因此弗断加强要塞个防守，慢慢交成为欧洲最大个防御工事之一，有北方直布罗陀个讲法。

1568年，为咾反抗西班牙王国统治，荷兰北方爆发起义，史称八十年战争，也叫荷兰起义。1571年，荷兰总督法尔内塞协助荷兰南方诸省成立阿拉斯同盟，北方七省成立乌特勒支同盟托伊对抗。1581年，乌特勒支同盟正式宣布独立，成立荷兰共和国，到1609年得到西班牙王国个承认。

箇辰光，卢森堡加入阿拉斯同盟，用西班牙弗另外驻军作为条件，承认西班牙个宗主权，托西班牙结盟。

1598年，西班牙国王菲利普二世过世，遗嘱中纪载奈卢森堡送给渠个女儿伊莎贝尔·克拉拉·尤金尼亚公主搭渠个丈夫奥地利公爵阿尔布雷希特七世。阿尔布雷希特七世便是最后一位卢森堡王朝皇帝-西吉斯蒙德个孙女波兰皇后伊莉莎白个子孙。因此卢森堡公国终于回到老底子卢森堡王朝个血脉继承人个手中。

但拉1621年，阿尔布雷特希七世拉没小囡个情况底下死脱么，卢森堡重新回到西班牙国王腓力四世手丄向。

1659年，法西战争结束签订《比利牛斯条约》，拿卢森堡公国南方个领土割让畀法国。1683年，西班牙、法兰西两国重新打仗，也就是重盟战争。

法国个短暂统治(1684~1697)

1684年4月份，卢森堡战役，军事工程师沃邦帮助底下，法国拉6月拿卢森堡要塞打下来，扩张要塞范围、加强防御，西班牙还要拿卢森堡租让畀法国廿年。必过1688年，大同盟战争爆发，阿末法国输脱，1697年签订《雷斯威克条约》，卢森堡重新回到西班牙王国手上。

奥地利哈布斯堡时期(1715~1795)

奥属荷兰下个一省

1701年，西班牙王位继承战争爆发，西班牙无脱大部分欧洲以外个领土，1715年拿南荷兰割让畀奥地利，卢森堡公国也同南荷兰一道到仔奥地利哈布斯堡王朝手上。直到法军入侵前，卢森堡相对和平。

1789年法国大革命爆发。其他国家担心革命扩散，开始通过政治搭军事手段干预、威胁法国，阿末法兰西对奥地利宣战开，第一次反法同盟成立，爆发法国大革命战争。卢森堡也重新进入战争里向。

法军入侵托拿破崙统治(1795-1815)

法兰西第一共和国统治时期(1795-1804)

1792年，法国大革命战争爆发。1794年11月，法国革命军进攻卢森堡要塞，花仔7隻号头，拿卢森堡打唻投降。

1797年签订《坎波福尔米奥条约》，正式奈奥属荷兰割让畀法国，1798年，因为法国引入个征兵制度搭仔反宗教政策，拉伊辰光个南荷兰爆发农民起义，卢森堡也参与，必过豪慅畀法国镇压。

法兰西第一帝国(1804-1815)

1799年，拿破崙策画雾月政变执政；1804年拿破崙称帝，法兰西第一共和国变成功法兰西第一帝国；1815年，输脱滑铁卢战役么，法兰西第一帝国灭脱。

共主邦联时期(1815~1890)

晋升大公国托领土缩减

法国输脱滑铁卢战役仔么，勒垃1815年个维也纳会议上，正式决议奈伊辰光个荷兰共和国托南荷兰共同组成君主立宪制个荷兰联合王国，让奥兰治-拿骚王朝进行管理，必过卢森堡晋升成卢森堡大公国，没畀荷兰联合王国吃脱。卢森堡军队弗但向普鲁士负责，坐落拉卢森堡中央个卢森堡要塞，更是直接派遣普鲁士军队进驻，同时也奈卢森堡作为抵御法国个防线之一。

照理来讲，荷兰国王应该让卢森堡大公国以独立联邦个身分自行实施统治权，实际上，荷兰还是奈渠个当作自家个一隻省，直接影响后来卢森堡加入比利时革命。

比利时革命---领土再次缩减到乃朝疆界

1830年8月份，布鲁塞尔爆发比利时革命，卢森堡几乎侪捲入其中。到1839年，威廉一世愿意签字个辰光1839伦敦条约才终于生效。箇辰光，卢森堡西部个法语区割畀比利时，产生两隻卢森堡：一隻是奥兰治-拿骚王朝治下个卢森堡大公国；另外隻是比利时个卢森堡省。

1842年，卢森堡写第一部宪法，主要是有关渠个公民个自由搭基本权利。同年（1842），卢森堡加入德意志关税同盟，开启德国市场，卢森堡个炼铁业也蓬勃发展，托欧洲工业区域连结。

1861年，伊辰光普鲁士军队仍驻军拉卢森堡要塞，卢森堡高架桥开通，第一座跨越佩特罗斯河谷个桥樑道路，让卢森堡上城区搭仔紧邻卢森堡火车站个主要防御工事要塞（拉1859年设置）得以连结起来。

卢森堡危机(1867)

拉布拉格条约签订仔么，法国政府准备从身陷经济危机个荷兰国王威廉三世头买卢森堡，必过普鲁士帝国选择弗遵守布拉格条约，引发战争危机卢森堡危机，，後首来按照1867年伦敦条约和平落幕。箇桩事体让卢森堡确立永久中立国个立场，卢森堡要塞拆脱。

独立国家——卢森堡大公国(1890-) 

伊辰光，荷兰联合王国国王还是卢森堡大公，通过共主邦联个方式统治荷兰搭仔卢森堡直到1890年荷兰国王威廉三世故脱，荷兰王位传畀渠个囡儿威廉明娜。依据1783年个拿骚家族条约，拿骚家族拉神圣罗马帝国个领土（卢森堡托拿骚）受到半萨立克法个约束，只有拉王朝无男性后代个情况下头纔好让女个来继承。故咾卢森堡大公传畀德国来个男性继承人，拿骚公爵阿道夫一世，成为独立国家。

20世纪世纪大战～欧盟

1914年8月份，第一次世界大战个辰光，德国无视卢森堡个永久中立国身份，占领卢森堡，必过保留卢森堡大部分个政治机制搭仔渠个独立性。

1940年，二战里向，纳粹德国国防军入侵卢森堡，直接拿伊吃脱变成纳粹德国隻省。伊辰光拉伦敦个卢森堡流亡政府为咾支援同盟国，也派仔支自愿队伍参加诺曼底战役，1944年7月份恢复独立。接下来1945年成为联合国创始成员国之一。1948年4月28号修宪，正式结束渠个永久中立国身份。

从此以后，卢森堡开始积极参与搭推动各式联合条约搭国际组织，比方讲欧盟。

乃朝

卢森堡南部搭西南部地区具备丰沛个铁煤矿源，拉20世纪初便是卢森堡炼钢业重镇，促进卢森堡个工业化。但是从1970年代开始，炼钢产业产能个下降，使得卢森堡决定转移自家个产业个重心，发展银行业，想做成国际金融中心搭国际银行业枢纽。

21世纪初，卢森堡政府开始注重拉发展知识经济，2003年成立卢森堡中唯一个大学卢森堡大学(The University of Luxembourg)，开展国家太空计划。

参见

• 卢森堡统治者列表
• 卢森堡首相
• 卢森堡政治

主要参考书目来源

中世纪开始：

• About... the History of Luxembourg

．Luxembourg：Information and Press Service of the Luxembourg Government．ISBN 978-2-87999-279-2．（存档，垃2019-07-30）  档案，存勒互联网档案馆当中。（2019年7月30号）

• The rough guide to Belgium & Luxembourg

，3rd，Rough Guides，405-406．ISBN 9781858288710．