法兰西第一帝国

历史系列条目
法国历史
史前时期 旧石器时代 中石器时代 新石器时代 铜石并用时代 青铜时代 铁器时代
古代 希腊殖民地   凯尔特高卢   罗马高卢 前50年–486年
中世纪前期 法兰克人   墨洛温王朝 481年–751年 卡洛林王朝 751年–987年
中世纪 卡佩王朝 987年–1328年 瓦卢瓦王朝 1328年–1498年
近代 瓦卢瓦-奥尔良王朝 1498年–1515年 瓦卢瓦-昂古莱姆王朝 1515年–1589年 波旁王朝 1589年–1792年 法兰西王国 1492年–1791年
19世纪 法国大革命 1789年 法国人个王国 1791年–1792年 第一共和国 1792年–1804年 第一帝国 1804年–1814年 波旁复辟 1814年–1830年 七月革命 1830年 七月王朝 1830年–1848年 二月革命 1848年 第二共和国 1848年–1852年 第二帝国 1852年–1870年 第三共和国 1870年–1940年 巴黎公社 1871年
20世纪 自由法国．維希法国 1940年–1944年 共和国临时政府 1944年–1946年 第四共和国 1946年–1958年 第五共和国 1958年–至今

野心家波拿巴

法兰西第一帝国（法文:Empire Français），是1804年拿破仑立在巴黎圣母院通过自家加冕，建立个大一统君主专制帝国。迭个国家是拿破仑凭借法国个总体战搭自家个军事能力，多趟击败反法联盟之后造出来个。立在建立个辰光，法国已经控制交关超出自家本土范围个领地。之后，拿破仑又立在各趟战争当中，弗断侵略其他国家，安插伊自家个亲戚或者将领，到欧洲各地充当伊个傀儡。同时，法国立在欧洲各地推广法式集权，搞官僚政治。还鼓吹国族主义搭自由主义，成为之后欧洲自由主义兴起个起因。1814年，拿破仑立在莱比锡战役当中失败，退回巴黎并退位。之后短暂回到法国本土，想重新建立霸权。弗过立在滑铁卢战役当中畀英国搭普鲁士彻底灭脱，法兰西第一帝国灭亡。

疆域

法兰西第一帝国疆域

拿破仑建立个帝国，包括1789年法国本土个所有领地，同时，因为立在周边军事活动当中取得成功，拿低地、意大利北面个伦巴第搭萨伏伊，还有亚的里亚海东岸个一些地区侪吞并到自家个本土。1808年侵略西班牙之后，又拿加泰罗尼亚并入法国本土。个能，法兰西第一帝国好直接控制个领土达到八十多万平方公里，比乃朝个法国要大四分之一以上。弗仅如此，拿破仑间接控制个傀儡国家更加多，基本是拿欧洲掌握立在自家手里哉。

傀儡国家

拿破仑害怕太大个领地弗好管理，就想通过自家个婚姻搭安插自家个亲信亲戚，让欧洲为自家卖命。所以，伊打赢一场战争，就要建立一些傀儡国家。到1812年伊进攻俄罗斯帝国之前，傀儡国家有以下几个:

• 威斯特法伦王国
• 波拿巴意大利
• 华沙公国
• 波拿巴荷兰
• 波拿巴西班牙