法兰西第一帝国

来自维基百科
蹦到: 导航搜寻
Cartoon of Napoleon sitting back to front on a donkey with a broken sword and two soldiers in the background drumming
野心家波拿巴

法兰西第一帝国(法文:Empire Français),是1804年拿破仑立在巴黎圣母院通过自家加冕,建立个大一统君主专制帝国。迭个国家是拿破仑凭借法国个总体战搭自家个军事能力,多趟击败反法联盟之后造出来个。立在建立个辰光,法国已经控制交关超出自家本土范围个领地。之后,拿破仑又立在各趟战争当中,弗断侵略其他国家,安插伊自家个亲戚或者将领,到欧洲各地充当伊个傀儡。同时,法国立在欧洲各地推广法式集权,搞官僚政治。还鼓吹国族主义自由主义,成为之后欧洲自由主义兴起个起因。1814年,拿破仑立在莱比锡战役当中失败,退回巴黎并退位。之后短暂回到法国本土,想重新建立霸权。弗过立在滑铁卢战役当中畀英国搭普鲁士彻底灭脱,法兰西第一帝国灭亡。

疆域[编辑]

法國位置图
法兰西第一帝国疆域

拿破仑建立个帝国,包括1789年法国本土个所有领地,同时,因为立在周边军事活动当中取得成功,拿低地意大利北面个伦巴第搭萨伏伊,还有亚的里亚海东岸个一些地区侪吞并到自家个本土。1808年侵略西班牙之后,又拿加泰罗尼亚并入法国本土。个能,法兰西第一帝国好直接控制个领土达到八十多万平方公里,比乃朝个法国要大四分之一以上。弗仅如此,拿破仑间接控制个傀儡国家更加多,基本是拿欧洲掌握立在自家手里哉。

傀儡国家[编辑]

拿破仑害怕太大个领地弗好管理,就想通过自家个婚姻搭安插自家个亲信亲戚,让欧洲为自家卖命。所以,伊打赢一场战争,就要建立一些傀儡国家。到1812年伊进攻俄罗斯帝国之前,傀儡国家有以下几个: