跳转到内容

開封猶太人

出自维基百科，自由个百科全书
開封猶太人，拍攝在十九世紀末或廿世紀初

開封猶太人咾是記錄保存最完整个中國猶太社羣。佢場居住在河南省開封市。中國古代稱呼佢場爲藍帽回回、朮忽回回咾啥。在中國个民族，劃分爲回族或未識別民族，但是近來有排開封猶太人提議爲中國猶太後裔正名。

雖然佢場已經完全融入爻當地中國人當中，但仍吸引著來訪个歐洲遊客个注意——佢場對昰個頂頂遙遠个猶太文化个邊哨充滿好奇。

歷史淵源

[编辑]

根據歷史記載，一個猶太人社羣及一個猶太會堂在開封咾，至少自12世紀个宋朝生活至19世紀晚期。有點報告認爲，佢場事實丄自9世紀晚期就開始定居於開封。

佢場在開封自稱「一賜樂業」敎徒，此稱號乃由金世宗完顏褎封賜[1]，亦有人認爲是以色列(Israel)个音譯。而周圍个中國百姓出於對其宗敎瞭解甚少而稱其爲「挑筋敎」，源自宰殺牛羊个辰光咾，有剔除腳筋昰隻生活習慣（相傳猶太人祖先雅各搭天使角力辰光，大腿扭傷脫，故以此習俗紀念祖宗）。或者稱「藍帽回回」、「天竺敎」等。朮忽回回一名是漢人聽到欽察突厥人稱呼猶太人後產生个，因爲猶太人在阿拉伯語、波斯語中稱yahud；欽察人有擔i、y音讀成j音个習慣，噶咾有朮忽回回一字。

猶太人到達中國个最早年代，歷來有周代及以前，漢代、唐代及宋代等學說。

漢代說个根據有得：

持唐代學說者列舉爻以下根據：

  1. 英國考古學家在新疆丹丹烏裡克發現一希伯來文書，畀定爲8世紀商業函件；
  2. 法國考古學家伯希和在敦煌千佛洞發現一份猶太敎禱文，據鑒定亦爲8世紀遺物。
  3. 10世紀阿拉伯旅遊家阿布·賽義德·哈桑在《中國印度記聞錄》中提到874—901年所爆發个黃巢之亂曾在攻入廣州城，伊歇殺死伊斯蘭敎徒、猶太敎徒、拜火敎徒等12萬人。
  4. 中國曾經出土唐朝个文物，具有明顯閃米特人特徵个陶俑。

儘管有部分習俗搭居民外貌而表明杭州、廣州、北京、寧夏、泉州、洛陽、敦煌、長安、新疆、西藏等地古代也可推論實有猶太人存在，但是直至目前爲止，有據可查且影響最大个唯有開封猶太人。

據推測，開封猶太人个先祖可能來自中亞个波斯可薩汗國，或者途經印度搭緬甸北部。在畀儒家文化所主導个社會當中，昰個民族搭宗敎信仰能持續存在700多年，箇是在文明史上一個邪氣獨特个現象。

據記載，猶太人曾向北宋進貢西洋布，深得皇帝歡喜，乃末詔其「歸我中夏，遵守祖風，留遺汴梁」。意思是讓昰個族羣个猶太人，弗罷好留在開封城，更可以繼續信奉佢場自家个信仰。昰份尊重，對昰羣於伊歇處於流浪狀態个猶太人而言邪氣重要。乃末，佢場決定在開封落地生根，亦接受十七個漢人姓氏，分別是李、俺、艾、高、穆、趙、金、周、張、石、黃、李、聶、金、張、左、白。在昰個高度民族融合个國家裏向，開封猶太人弗曾遭到任何歧視，很自然地開始參加中國个科舉考試，有交關人成爻官員。譬如因“奏聞有功,欽賜趙姓”个俺誠醫士，《尊崇道經寺記》碑个撰文人，後來歷任廣東參政个揚州進士左唐。[3]清康熙年間福建漳南道按察司僉司趙泱乘也是猶太人。

但是一個少數族裔个存在，對一個多民族个中國來話，並非是一件大事，噶咾起初並朆引起學者重視或民眾好奇个目光，乃末史書也對此族裔記錄甚少或者語焉弗詳。

13世紀意大利旅遊者馬可·波羅可能聽說仔猶太人在中國个定居。猶太人在中國个存在，一直弗爲外界所知，一直到16世紀初利瑪竇（Matteo Ricci）偶然碰著一個開封猶太人。乃末開始爻歐洲人（主要是傳敎士）對開封猶太人个研究。

利瑪竇於1605年接待了一個聲稱相信上帝是唯一主宰个年輕个中國猶太人艾田。記錄上說當佢看到一張基督敎圖片丄个瑪利亞搭幼年耶穌个辰光，佢認爲埃個是利百加（Rebecca）和以掃（Esau）或者雅各（Jacob）。艾田表示佢來自開封，伊𡍲有許多猶太人居住。利瑪竇出於找尋更古老版本《聖經》个目的，委派爻一個中國耶穌會士探訪了開封；乃末陸續有其他耶穌會士也探訪了開封。隨後又發現伊𡍲个猶太社羣有一個猶太會堂—禮拜寺，擁有大量文字材料搭經書。其中經書後首來多半畀西方傳敎士買了跑，至今流散在世界各地。

中國猶太人顯然在1850年代个太平天國運動當中，飽受磨難，外加畀驅散。據一個美國个1912年个百科全書記載，混亂過後，佢場又回到爻開封，同時數量上繼續減少且處境艱難。

一個20世紀早期个天主敎研究者指出，利瑪竇个手稿顯示：16世紀晚期至17世紀早期，開封衹有得十到十二戶猶太家庭，據說佢場在伊𡍲居住爻5、6百年時間。手稿丄也記載有得大量猶太人居住在杭州。

除脫其歷史悠久，開封猶太人還有其它顯著特徵：佢場雖然跟中國以外个猶太後裔嘸沒任何聯繫是孤立个存在，仍然擔猶太个傳統保留仔幾百年。弗管如然，佢場雖然嘸沒遭到中國人个歧視搭迫害，且是逐漸畀同化爻。到了17世紀，昰種同化加劇哉。結果導致了猶太人信仰搭禮儀習俗、社會搭語言傳統丄个改變，同樣變化个還有佢場開始了搭其他民族譬如漢、回搭滿族个大範圍个通婚。1642年（崇禎十五年），猶太會堂畀李自成所攻取，開封因人爲个黃河決口畀沖毀脫。「汴沒而寺因以廢，寺廢而經亦蕩於洪波巨流之中。敎眾獲北渡者僅二百餘家，流離河朔。」 其後雖然倖存个猶太人陸陸續續返迴來，並重建爻會堂，重修爻經書，但是社區顯然已經元氣大傷。而到仔1841年（道光二十一年），當黃河再趟決口个，會堂畀拆毀護城，之後也朆能修復。1850年，隨著開封猶太社團个壓末一位拉比（Rabbi，猶太敎神職人員）个離世，敎眾中弗再有人認得[[希伯來語]哉，乃末猶太宗敎生活搭猶太人个自身身份識別終結脫哉。

援助中國猶太人協會

[编辑]

19世紀中期之後，隨著最後一任猶太敎祭司个卸任，開封猶太人逐漸淡漠爻猶太敎信仰，幾乎在同時，一些基督敎宗敎團體搭猶太敎宗敎團體也開始致力於援助中國猶太人个事業。

1852年美國个猶太人組織了一個中國猶太人救援委員會旨在幫助開封猶太人重拾猶太敎信仰，但由於委員會成立嘸沒幾許辰光後，美國爆發內戰，救援委員會个活動乃末被迫完全停止，之後也弗了了之。

1899年12月，上海徐家匯个羅馬天主敎耶穌會在開封收購到一批猶太人後裔賣出个希伯來文經卷，昰些經卷引起爻耶穌會援助開封猶太人个興趣。1900年5月，中國猶太人援助會在上海成立。1901年，開封猶太人李金誠攜子來到上海向中國猶太人援助會介紹了開封猶太後裔社區个情況；1902年3月10日，李金城又帶領七名開封猶太人來到上海，中國猶太人援助會幫助佢場在上海个猶太人組織中謀到職位，並希望幫助佢場恢復猶太敎信仰；1903年，中國猶太人援助會正式開始討論派遣傳敎團到開封个事宜，但傳敎團始終嘸沒成行，直到1914年開封猶太社區擔猶太會堂个地契出售畀加拿大聖公會，中國猶太人援助會看到恢復開封猶太人信仰个希望弗復存在，遂停止活動。

中國古代對開封猶太人及其宗敎个稱呼

[编辑]

猶太人：「術忽」、「竹忽」、「主吾」、「主鶻」、「朱乎得」、「祝虎」、「珠赫」等。

猶太敎：「一賜樂業敎」、「天竺敎」、「挑筋敎」、「古敎」、「舊敎」、「敎經敎」、「七姓回子」、「青回回」、「藍帽回回」、「回回古敎」。

開封猶太人遺跡

[编辑]
明代石碑拓本
開封敎堂復原模型
以色列大流散博物館

《重建清真寺記》之文曰：“夫一賜樂業立敎祖師阿無羅漢，乃盤古阿耽十九代孫也。自開闢天地，祖師相傳授受，弗塑於形像，弗詔於神鬼，弗信於邪術......敎道相傳，授受有自來矣。出自天竺，奉命而來。有李、俺、艾、高、穆、趙、金、周、張、石、黃、李、聶、金、張、左、白七十姓等，進貢西洋布於宋，帝曰：歸我中夏，遵守祖風，留遺汴梁。” 其中七十姓或疑爲十七姓之訛，而且衹能理解成功”家”或”家族”。因爲所列十七姓中，金，李，張全有得重複。[4]

《尊崇道經寺記》之文曰：“賜進士出身朝列大夫四川布政司右參議江都左唐撰文......至於一賜樂業敎，始祖阿耽......刻石於寺，垂示永久，成知所自，俾我後人其慎念之哉。”[5]

開封猶太人研究

[编辑]

一徑到廿世紀早期中國人幾乎弗曉得猶太人在中國个存在，雖然佢場存在了700多年。

1850年，香港主敎施美夫（George Smith）派遣兩名華人基督敎徒到開封訪問了開封府猶太人，找到一些手稿搭抄本。上海倫敦會傳敎士偉烈亞力根據昰眼材料在1863年 寫出《中國个猶太人》一文[6]。偉烈亞力話，十九世紀中葉，開封个猶太人畀稱爲“挑筋子”。

20世紀早期居住在上海个歐洲猶太人據說也曾試圖研究開封猶太人，但所獲甚微。

伴隨著昰段辰光中國知識份子對西方文化个興趣个弗斷增加，猶太人搭猶太敎个存在開始畀中國學者意識到。49年以後，昰個主題已經逐漸發展成了一個單獨个研究領域。1992年中華人民共和國搭以色列建立外交關係促進爻昰個領域个研究。通過對納粹時代上海25000名猶太難民个經歷个重新評估使中國猶太人个研究得到了全世界个注意。

近幾年，對開封猶太人个歷史搭文化个研究弗僅局限在中國，其他國家也是一樣。可以預期將來對其它相關題目學術興趣勢必會弗斷增加。

曾有文章提到，雖然準確性有待考證，開封猶太人在相貌丄可以分辨岀跟其他非猶太鄰居个弗同。

2002年3月，在開封个河南大學成立“河南大學猶太研究所”，以近距離研究開封猶太人，並藉以促進猶太歷史、文化研究在中國个發展。

今日開封猶太人

[编辑]

開封猶太人全依照其本姓改取漢姓，共分七姓八家，分別爲艾姓、趙姓、張姓、石姓、金姓、高姓和兩家李姓，在經歷仔近700年个歷史後，張姓搭一家李姓湮沒，至今在開封附近共有六姓猶太人後裔居住生活。1987年初个統計數字顯示，開封市共居住有猶太人後裔六十六戶，159人。其中石姓三十一戶，64人；李姓十二戶，42人；趙姓兩戶，11人；艾姓十七戶，32人；金姓兩戶，7人；高姓兩戶，3人在開封猶太人个七姓八家中，張姓搭李姓衹與回族通婚，據家譜記載，僅有猶太人擔女兒嫁畀回族人家，而嘸沒回族擔女兒嫁畀猶太人家，昰個也許是昰兩姓湮沒脫个原因，而其他六家則與漢族通婚，而在現存个六家猶太人後裔當中，嘸沒與回族通婚个記錄。

經過長期个通婚，今日開封猶太人已經基本上畀完全同化，體貌特徵丄已經與漢族等中國主要民族嘸沒忒大區別，當然交關人仍舊堅持自家个猶太身份識別。

在文化丄，開封猶太人後裔漢化徹底，放棄了猶太敎个信仰，食物方面个禁忌已無人遵守，食用牛羊肉辰光“挑筋”个習俗很少有人遵守，各姓猶太人後裔全食用豬肉；在猶太人社羣中邪氣重要个割禮在開封猶太人當中早已弗復存在並無人知曉；乃朝个開封猶太人後裔咾全科弗瞭解猶太敎敎義，大部分人弗能分辨摩西、大衛搭耶穌，所有開封猶太人全弗過猶太傳統節日，送神日、接神日、中元節、清明掃墓、祭祖咾啥个風俗；有記錄顯示，開封猶太人中有佛敎搭其他宗敎个信徒，1866年還有一名猶太人後裔皈依佛門法名本道。據學者走訪調查，石姓開封猶太人是保存猶太人文化習俗最多个一支，石家在飲食上仍然遵守挑筋个規則，在每年春節石家人全依照猶太逾越節个禮制，用毛筆沾雞血塗抹門楣，並用白水煠羊肉祭祀祖先；石家要求子孫遵奉十戒搭朱子家訓，但搭其他猶太人後裔一樣，石家人對猶太敎个基本知識一無所知。

據統計，目前開封有猶太人後裔六十六戶，約二百人。在1950年代前後，昰些開封猶太人大多認同自家爲漢族，1980年代以來，開封猶太人个民族認同感逐步復蘇，趙姓搭李姓个一些家庭在進行戶口登記辰光已經擔民族改爲猶太人或猶太族，但佢場个民族認同並弗畀中國官方承認。開封猶太人在中國並弗享受少數民族在升學等方面个交關優惠。

參攷文獻

[编辑]
  1. ↑ 蕭曦清，《猶太人入門》，博雅書屋，2012年11月25日：第149頁. ISBN 9789866098727
  2. ↑ 偉烈亞力 《中國个猶太人》Alexander Wylie, Israelites in China, China Researches, 1897, Shanghai
  3. ↑ 明代任廣東參政个猶太人——左唐. 原始文档勒2015-01-04存档. 访问日脚2016-11-19.
  4. ↑ 中國古代猶太人姓氏變化考. 原始文档勒2019-05-19存档. 访问日脚2016-11-19.
  5. ↑ 清稗類鈔
  6. ↑ Henri Cordier, The Life and Labour of Alexander Wylie, Chinese Researches, p14 1897 Shanghai

偉烈亞力《中國个猶太人》 Alexander Wylie, Israelites in China, China Researches, Part II, p1-23 1897 Shanghai

外部連結

[编辑]
取自“https://wuu.wikipedia.org/w/index.php?title=開封猶太人&oldid=305379”