印度尼西亚

印度尼西亚，英文Indonesia，亚洲太平洋国家，国家有交关岛组成，老底子首都是雅加達，2024年8月17号迁都努桑塔拉。印度尼西亞國界搭巴布亞新幾內亞、東帝汶還有馬來西亞接牢，海浪有新加坡、菲律賓搭澳大利亞等別個鄰國。

印度尼西亞群島從7世紀開始就是重要個貿易地區，古代王國三佛齊搭仔後歇來個滿者伯夷曾經搭中國勒印度做過生意。印度尼西亞當地統治者逐步吸收外國文化、宗教搭政治型態，出現過興盛個佛教搭印度教王國。外國勢力爲仔天然資源進到印度尼西亞，穆斯林商人帶進來伊斯蘭教，歐洲勢力帶進來基督教，還勒地理大發現過後壟斷香料群島摩鹿加群島個貿易。勒350年個荷蘭殖民統治時期過後，印度尼西亞到第二次世界大戰後頭纔獨立，但必過獨立仔原歸面臨天災、貪汙、分離主義、民主化進程、經濟上劇變等挑戰。