马耳他历史

出自维基百科,自由个百科全书

自公元前5200年,马耳他开始有人类居住。渠拉是来自西西里岛。

希腊人,腓尼基人托罗马人[编辑]

大约拉公元前700年左右时,古希腊人开始殖民马耳他,主要是以今朝个瓦莱塔所在位置为中心[1]。一个世纪后,以本岛作为东地中海康沃尔之间个贸易路线中继站个腓尼基商人,也开始定居拉此。腓尼基人居住个区域,即现代个姆迪纳,搭渠个周边小镇拉巴特,渠拉称渠为“Maleth”。同样也居住拉姆迪纳个古罗马人,奈渠(搭仔本岛)简称为「马耳他」。[2]

马耳他个古罗马马赛克。

腓尼基人没落后,公元前400年时,掌控迭个区域个是腓尼基个前殖民地之一,迦太基。拉迭个时期,马耳他人个主要产业是栽种橄榄长角豆,搭仔纺织业。

拉公元前264年,第一次布匿战争期间,马耳他人趁机发动了对迦太基个反叛,并奈当地个军事指挥权移交给罗马执政官塞姆普罗尼乌斯[2]第二次布匿战争期间,马耳他同样忠拉罗马,而罗马给畀马耳他“结盟城邦”个头衔作为回报,迭意味着免除了对罗马纳贡搭仔受罗马法管辖个义务。

公元117年,身为全盛期个罗马帝国之一部分个马耳他,由哈德良皇帝升格为自治区。[2] 新约圣经《使徒行传》中曾叙述圣保罗拉公元一世纪拉本岛遭遇船难搭仔传教个事蹟。拉巴特个地下墓地亦证明早期基督教社群曾拉马耳他岛上存在。

当公元395年罗马帝国东西分裂时,说希腊语个马耳他,由定都拉君士坦丁堡东罗马帝国统治,到870年为止。

中古世纪[编辑]

西西里王国国旗

马耳他因为位处地中海中央,具有重要个战略地位,当阿拉伯帝国拉七世纪征服北非后,马耳他因而成为阿拉伯搭东罗马二者个必争之地被卷入战争。阿拉伯帝国所以成功征服马耳他搭西西里,托一位东罗马将军Euphemius密切相关,因为渠背叛东罗马帝国,曾要求北非个艾格莱卜王朝入侵马耳他。

根据阿拉伯编年史家搭地理学家AL-Himyari个叙述,拉公元870年,阿拉伯侵略军拉哈拉夫(AL-Hadim)搭后来个泽田·伊本·穆罕默德个带领下,打败东罗马人佔领马耳他搭西西里。拉阿拉伯人入侵时,摧毁了马耳他岛上最重要个建筑搭灌溉系统,大量居民离开,令马耳他一度几乎无人居住,后来才有阿拉伯人从西西里岛重新移居马耳他岛。迭一次移民未肯定是因为西西里岛个人口膨胀,还是因为战争。公元909年,马耳他个主权由西西里酋长国移转到北非个法蒂玛王朝。1038年,迭些阿拉伯人引进了新个灌溉技术、棉花搭一些水果。而来自西西里岛个西西里阿拉伯语因此获得岛上居民个采用,最终演化成马耳他语。拉岛上个基督徒被允许宗教信仰自由,但渠拉弗得弗支付非穆斯林个吉兹亚税,但获豁免个穆斯林则只支付天课

公元1091年,诺曼人个领袖鲁杰罗征服西西里岛搭马耳他岛,马耳他重新归回基督教世界管治。当地个基督徒十分欢迎。据称罗杰撕下渠个红白色格子旗帜个部分,成为当今马耳他国旗个起源。

诺曼时期后,马耳他成为新成立个西西里王国一部分,当时西西里王国还包括西西里岛搭意大利半岛个南半部。天主教恢复为马耳他国教,并归巴勒莫教区管辖。拉迭时期,大量诺曼式建筑拉岛上出现,尤其是拉古老首都姆迪纳。由于马耳也岛战略上十分重要性,拉迭时期,马耳他岛上个男人侪接受军事训练。

1192年,西西里国王坦克雷迪封姑父马加里托为首任马耳他伯爵,迭可能是因为后者意外成功俘虏了王位竞争者康斯坦丝皇后

1194年,管辖马耳他岛个西西里王国王位落入德国贵族霍亨斯陶芬家族(康斯坦丝个夫家),直到1266年。拉此期间,霍亨斯陶芬家族个国王腓特烈二世开始重整了西西里王国,西方文化搭宗教开始对西西里搭马耳他发挥更强烈个影响力。马耳他更有72年辰光成为德意志民族神圣罗马帝国个一部分。虽然如此,拉迭时期马耳他个贸易被完全摧毁,渠仅仅是一个有坚固驻军个军事要塞而已。直到1224年,腓特烈二世才奈马耳他岛上所有剩馀个穆斯林驱逐。

过了一段短暂个时期,西西里王国王位传给法国安茹个卡佩家族,但由于安茹托热那亚共和国间个战争,搭戈佐岛拉1275年被攻佔,卡佩王朝拉马耳他岛上行高税收,令王朝个统治拉马耳他弗受欢迎。1282年发生西西里晚祷起事,拉垃伊比利亚半岛东部个阿拉贡王国乘机入侵了西西里岛并确立了拉西西里岛个统治,阿拉贡国王同时成为西西里王国国王,属西西里王国个马耳他开始由阿拉贡国王统治。后来阿拉贡托伊比利亚半岛另一大国卡斯提亚合并成为西班牙,因此西西里搭马耳他亦开始被西班牙统治。

马耳他骑士团搭拿破崙[编辑]

16世纪初,哈布斯堡家族个查理五世同时兼任神圣罗马帝国皇帝搭西班牙国王,成为欧洲拥有最大权力个君主。1522年,驻守罗得岛超过二百年个医院骑士团鄂图曼土耳其帝国逐出罗德岛。查理五世决定奈被西班牙统治个马耳他,永久租让畀医院骑士团,即乃朝个马耳他骑士团,迭也是马耳他岛成为一个独立政体个开始。1551年,巴巴里海盗奴役马耳他附近个岛屿戈佐岛个所有5,000人口,并奈渠拉送往利比亚。1565年,鄂图曼帝国托医院骑士团发生全面战争,并发动对马耳他个围攻。当时鄂图曼拥有地中海最强个海军力量。骑士托马耳他个平民奋力抵抗鄂图曼个进攻,结果马耳他岛上绝大多数城市侪被摧毁,骑士团成员有一半战死。但骑士团个抵抗阻延了鄂图曼军个攻势,结果马耳他坚守到来自西班牙个援军到达,迭时战场局势顿时扭转,鄂图曼军队仓惶撤退,损失达到三万馀人,迭次大胜使马耳他骑士团国获得了一段辰光个和平局面。伏尔泰形容1565年个大围攻,“没甚么战役比起马耳他大围攻更有名”。[3]过大围攻后,骑士团决定增强马耳他个防御力,特别是内港地带。骑士团修筑了新城瓦莱塔,以当时骑士团团长让·德·瓦莱特个名字命名。骑士团亦沿海岸线修筑了弗少了望塔。骑士团拉岛上完成了咾多建筑搭文化项目。

1571年,鄂图曼再次起兵,企图消灭骑士团。弗过迭次渠拉败得更惨,还没到马耳他,拉海上就遇上了以基督教国家组成,由西班牙王国个无敌舰队为主力个神圣同盟舰队拉勒班陀海域展开了一场海上会战(勒班陀战役),土耳其舰队几乎全被击沉或俘虏。此后,马耳他骑士团国进入鼎盛时期,帆上标有马耳他八角十字个战船拉地中海横行无阻。

骑士团一直控制马耳他超过二百年,直到1798年。当时法国大革命后成立个共和国政府,托英国为敌,法国决定派遣大军远征埃及,以干扰英国托海外最大殖民地印度个连系,当时远征军个统帅是后来成为法国皇帝个拿破崙。当大军出发往埃及途中,途经马耳他附近,拿破崙下令夺取战略地位重要个马耳他。渠先派人要求进港进行补给。当船只安全进入瓦莱塔港后,拿破崙个战舰奈炮口转向渠拉个招待者。马耳他骑士团团长以骑士团弗会托信仰天主教个国家交战为由,向拿破崙投降,最后骑士团撤走往俄罗斯。拿破崙拉马耳他只停留数日,迭段辰光中渠劫掠了岛上咾多财富,并建立起傀儡政权统治。然后拿破崙留下部份驻军后,大军就继续埃及远征。

法国强加个财政、宗教政策激怒了当地民众,令马耳他居民十分厌恶法国个佔领军,奈么渠拉起来反抗法军,并逼使渠拉撤离城市要塞。当时托法国敌对个英国西西里王国那弗勒斯王国也纷纷支援岛上反抗者,英国亦派出皇家海军封锁马耳他。1800年,驻马耳他个法军向英军投降。马耳他居民个领导者希望马耳他成为英国自治领。马耳他人发表了权利宣言,愿意“归属自由民之国王、大不列颠搭爱尔兰国王陛下之保护搭统治”。宣言亦表示“陛下无权奈岛屿转移渠国...若渠选择收回渠个保护、放弃渠个统治,选择别样统治者个权利,或岛屿个行政,只归属于我伲,岛上之居民搭原住民,而弗受任何控制”。

大英帝国搭二战[编辑]

拿破崙战败后,1814年巴黎条约中,马耳他正式成为大英帝国个一部份,并用作船运中途站搭舰队总部。1869年苏伊士运河开通后,马耳他作为苏伊士运河直布罗陀海峡之间个中途站,显示出马耳他个重要性,搭前往印度个重要中途站。

1919年,英国军队镇压了一场反对开征新税个示威,并杀死4名平民。因此掀起了反抗行动,并提升了亲意大利派个影响力,英国统治受到挑战。迭次事件每年侪有悼念死难者。

1930年代早期,英国地中海舰队离开马耳他,转往亚历山卓二战期间,马耳他因为接近意大利,支援北非个船运航道而有咾重要个地位。地中海战役期间意大利军队多次空袭马耳他,而马耳他居民拉围攻时显出英勇表现,因而英王乔治六世拉1942年4月15号授乔治十字勳章畀马耳他,“见证着一种英雄搭奉献精神长存历史”。但有些史学家认为,英国拉防卫马耳他蒙受到弗相称个伤亡,只因为若马耳他如新加坡一样投降,英国个信誉会受损。[4]

马耳他国[编辑]

马耳他拉1964年9月21号获得独立,国号马耳他国,但直到立宪完成前,马耳他基本上仍保留承认英女王伊莉莎白二世为国家元首,搭仔作为渠代表个总督行使施政权。

马耳他共和国[编辑]

1974年12月13号,马耳他成为共和国,继续留拉英联邦之内,以马耳他总统为国家元首。防卫协议拉独立后就签订,直到1979年3月31号期满。同日英国军队撤军,最后一次降下英国国旗。1980年,马耳他采取中立政策,并成为弗结盟运动个一员,直到2004年加入欧盟为止。1989年,马耳他成为美国搭苏联之间高峰会个场地,美国总统乔治·赫伯特·沃克·布希托苏共总书记米哈伊尔·戈巴契夫首次面对面会谈,暗示着冷战即奈终结。

马耳他拉2004年5月1号成为欧盟会员国,2007年12月21号成为申根公约会员国,2008年1月1号加入欧元区[5]。拉2008年选举中冈奇成为总理。2009年乔治·阿贝拉担任总统。

2011年,马耳他人就离婚法案进行公投。作为投票个结果,拉某些情况下允许离婚个法案拉同一年实行。[6]

注释[编辑]


参考资料[编辑]

  1. "Notable dates in Malta's history". Department of Information – Maltese Government. 6 February 2008. Archived from the original on 25 November 2009. Retrieved 21 March 2020. 
  2. 2.0 2.1 2.2 Castillo, Dennis Angelo.The Maltese Cross: A Strategic History of Malta.Greenwood Publishing Group.ISBN 0313323291 
  3. Fernand Braudel, The Mediterranean and the Mediterranean World in the Age of Philip II, vol. II ( University of California Press: Berkeley, 1995).
  4. The Siege of Malta in World War Two. 访问日脚15 April 2007.
  5. "塞浦路斯搭马耳他加入欧元区". 光明网. 2008-01-02. Archived from the original on 2015-09-24. Retrieved 2014-12-31. 
  6. "MPs in Catholic Malta pass historic law on divorce". BBC News. 25 July 2011. Retrieved 16 July 2011. 

Template:欧洲题目