苏伊士运河
苏伊士运河(阿拉伯语：قناة السويس，转写：Qanā al-Suways，英语：Suez Canal[1]），是立拉埃及个西奈半岛西面个一条运河，横跨亚洲、非洲交界处个苏伊士地峡，南北两头分别勒拉地中海边个塞德港同红海苏伊士湾边个苏伊士两座城当中，全长约莫164千米，是全球少数拥有大型商船通行能力个无船闸运河。
19世纪中期，箇条运河畀英国人搭法国人开采出来。乃朝是连接欧洲搭亚洲顶顶重要个渠道，让船只弗再需要绕过非洲南端个好望角，也是世界浪顶顶繁忙个航道之一。立在20世纪50年代，为夺取迭个运河个控制权，埃及总统纳赛尔强行占领运河，引发苏伊士运河危机。现在，运河是埃及个苏伊士运河管理局管理所有个[2]。