君士坦丁堡

出自维基百科,自由个百科全书

君士坦丁堡,还叫做康斯坦丁堡(希腊闲话:Κωνσταντινούπολις),也就是今么个伊斯坦布尔,是由君士坦丁大帝来得古希腊城市拜占庭个基础上头扩建而成个新首都。连年个内战使罗马帝国个旧首都罗马失去了早阴光个辉煌。324年,君士坦丁大帝发布命令畀罗马帝国建立新个首都,其个选址就是拜占庭。新首都君士坦丁堡来得330年建成,从搿个阴光开始到1453年畀奥斯曼人占领,除了663年到668年阴光拜占庭皇帝来得锡拉库萨管理国家,还有来得1204年到1261年畀第四趟十字军东征攻落去,一直都是罗马帝国同罗马帝国分裂后个东罗马帝国(拜占庭帝国)个首都。

从古代晚期到中世纪鼎盛期,君士坦丁堡一直是搿阴光欧洲顶繁华个大城市,还是交关多帝国甚至是欧洲个大事体发生个地方。1204年君士坦丁堡畀十字军打落来,数弗清爽个财宝畀掇了去,君士坦丁堡乃至拜占庭帝国损失交关大,再也弗能回复到原先搿个光景。君士坦丁堡还是搿阴光欧洲顶难攻克个城市,其个城墙交关大还交关复杂,匈奴人、保加利亚人、斯拉夫人、阿拉伯人还有交关多帝国个敌人都弗能攻破城墙,最终占领君士坦丁堡个奥斯曼苏丹穆罕默德二世都还是用木劳劳多个军队同顶大个火炮从两个方向才把城市攻破。