馬耳他語

来自维基百科
蹦到: 导航搜寻

馬耳他語(馬耳他語:Malti;英文:Maltese;意大利文:lingua maltese)是馬耳他嗰官方語言之一(另外一個是英語),屬於亞非語系閃米特語族,估計至少有40萬母語使用者。馬耳他語本身是阿拉伯語嗰一種方言(西元9世紀末到11世紀末馬耳他島是阿拉伯人嗰領地),必過乃歇渠搭另外各種阿拉伯語方言差異明顯,應當要算一門獨立嗰語言哉。從中世紀後期開始,馬耳他語陸續吸收仔蠻多嗰西西里語、意大利語、英語詞彙(語法上無沒受多少影響),再加上一些語音變化,就變成功仔現在嗰馬耳他語了。頂早嗰馬耳他語嗰文獻資料來自15世紀後期,弗過渠要到19世紀纔仔好算文學語言。乃歇馬耳他語是用拉丁字母來寫個,一塌刮子有30個字母,用法搭英文、意大利文也弗大一樣,譬如渠用<ħ>表示咽擦音/ħ/,又用<q>表示/ʔ/(相當於多數吳語方言裡頭嗰入聲韻尾)。馬耳他嗰城市裡頭英語嗰普及率邪氣高,也有蠻多學堂會再教一門歐洲語言(一般是意大利語,也有一些教法語或者德語個),必過勒鄉下頭外語還沒寔梗普及。

參考資料[编辑]

  1. Price, Glanville (ed.). Encyclopedia of the Languages of Europe. Oxford (UK): Blackwell Publishers Ltd., 1998.
  2. Encyclopaedia Britannica: Maltese Language.
  3. Wikipedia: Maltese language(英文)& Maltais(法文)。