陳日君

陳日君樞機

樞機牧徽

陳日君（His Eminence Cardinal Joseph Zen Ze-Kiun, S.D.B.，上海言話讀[zəɲ.zəʔ.ʨyəɲ]，1932年1月13日生）爲天主教會樞機，慈幼會會士。伊生勒上海，國共內戰辰光爲躲避戰火移居香港，1961年晉鐸，曾任天主教香港教區第六任主教；2006年擢陞爲樞機，是香港教區第二位獲此榮銜者。

簡歷

伊小辰光蹲勒上海，12歲進入慈幼會備修院，1949年中國共產黨上臺後，修會失去脫辦學權，隔手去香港个華南總修院，隨後去意大利都靈慈幼大學學習，勒拉1961年2月11日勒都靈晉鐸。1976年至1978年箇段辰光勒澳門慈幼中學擔任校長；1977至1983擔任慈幼會中華省會長；1986年至1989年間勒香港仔工業學校任職院長；1996年10月20日獲任命爲天主教香港教區助理主教，同年12月8日正式由時任香港主教胡振中樞機祝聖爲主教。2002年9月23日，胡振中樞機離世後接任香港主教个職務。

教宗若望保祿二世勒2003年表示自家秘密任命了一名樞機，教宗已作出仔安排，除非有第三人知道伊个身份，否則迭位神秘樞機到底是誰人將永遠成謎，伊个任命將勒逝世後變成無效。教宗若望·保祿二世勒2005年4月2日歿脫後，美國搭梵蒂岡曾指出李篤安或范忠良可能是神祕樞機，但李篤安本人否認。

2006年2月22日，教宗本篤十六世宣布，委任陳日君爲司鐸級樞機，領托爾貝拉馬拉科个瑪利亞贖世主之母堂（Santa Maria Madre del Redentore a Tor Bella Monaca）司鐸銜 ；3月24日舉行仔擢升冊封儀式。

按梵蒂岡規定，陳日君主教可勒拉2007年1月年屆75歲辰光向教宗申請退休，以盼望退休後好去中國大陸教學。但勒同年3月21日，教宗本篤十六世御令陳日君繼續留任主教一職。2009年4月15日，教宗本篤十六世批准陳日君退任香港教區主教。

2013年1月17日，慶祝中華民國搭聖座建交70週年，陳日君主教赴台灣輔仁大學演講、訪問。

社會事務个參與

政治立場

陳日君勒政治立場浪向堅定支持香港民主運動，並強烈反對中共干預教會个傳教活動及宗教自由。

據維基解密透露，美國駐港總領事勒2009年12月向美國上報个電文當中，提到仔陳日君，並稱其爲「泛民五老」之一。其餘四老分別爲李柱銘、陳方安生、壹傳媒集團主席黎智英搭李鵬飛。

2011年10月18日外泄个一份文件顯示，黎智英勒2005至2010年內，先後捐款亨八冷打2,000萬港幣畀陳日君，天主教香港教區副主教陳志明勒17日回應記者查詢辰光表明，陳日君朆代表教區收取歇黎智英捐款，「教區帳目朆顯示有收黎智英个捐款」，至於陳日君本人是否有收取嚜，陳志明表示弗曉得。陳日君10月19日承認曾收過黎智英巨額捐款，用勒「不方便」動用教區經費个事體，捐款用途包括支援內地地下教會人士、捐助海外天災个人道救援、贊助小朋友旅行及參與聖誕聯歡、買商務客位機票到羅馬等地參加宗教會議等。伊強調從朆有得花勒自家享受浪，對於往梵蒂岡辰光乘搭商務機位，伊解釋箇是因爲「年紀大，真係需要休息」。

社會運動

陳日君主教（圖左）勒反對基本法23條集會浪帶領會友祈禱

勒接任去世个胡振中樞機出任天主教香港教區主教後嘸沒幾許辰光，便展開了反對《基本法》第二十三條立法个運動，伊認爲特區政府弗使用白紙草案是愚弄市民。2003年7月1日陳日君爲「七一遊行」祈禱，表示勒《基本法》第二十三條行將立法个時刻，教友爲仔「對得牢自家良心，對得牢下一代」，弗得弗用腳步來表示自家个立場。陳日君搭教友進行分享个辰光形容，「惡法威脅香港人个自由」，伊呼籲大家淘「覅甘心做強權个奴隸」。伊又多趟強調自家反對暴力，而教徒心中也嘸沒仇恨，更祝福在場維持秩序个警務人員。

勒2004年6月3日即六四事件15週年前夕，香港教區舉辦仔一個名爲「民主中國」个活動。陳日君話，香港勒拉受到一個「嘸沒流血个六四鎮壓」，嘸沒槍搭坦克車，但有頑固个保守派，誣陷民主派支持香港獨立，以釋法阻止香港市民討論普選。2004年7月1日陳日君再次勒維多利亞公園主持遊行前个祈禱會，但朆參與遊行。

2005年11月7日陳日君搭多個香港教會團體聯合召開記者會，抗議港府政制改革小組第5號報告書，欠缺對香港民主發展个方向、時間表、步驟搭程式。陳日君又公開呼籲會友參加12月4日个「反對政改方案，爭取全面普選」遊行。 政改方案畀否決脫後，陳日君畀政務司司長許仕仁點名批評。

2010年6月20日陳日君發表聲明，表示反對政府提出个「2012政改方案」，對民主黨提出个「區議會方案」也有保留。伊呼籲民主黨押後表決方案，指弗應該勒政改方案表決个壓末一刻，轉爲就另一樣還未弄清爽个物事，進行表決，伊認爲市民無機會就新方案發表意見，是對市民極度藐視。

社會倫理

陳日君直言自己勒社會倫理道德問題浪向雖然搭其他新教褔音派教會相對寬容，但仍然保守：「我相信教會所做个事體儕是正確个，我完全認同教會个立場。相反，我覺著法律有辰光未必是正確个。」

陳日君向記者解釋：「就像同性戀，未必是罪惡，但無論勒醫學還是心理學个角度來看儕是弗正常个，嘸沒理由去鼓勵、甚至合法化；墮胎等同殺人，即使是避孕也要用自然个方法。」

2003年8月17日，同志組織「彩虹行動」搭八位請願人士闖進主教座堂，擾亂勒拉進行當中个主日彌撒，以抗議天主教會反對同性婚姻个立場。迭趟事件後，陳日君主教搭一排同性戀組織个人士會晤，澄清教會立場，並重申教會並弗歧視同性戀人士。

反對校本條例

2004年教統局勒香港教育改革中，引入俗稱爲校本條例（正式名稱《2004年教育（修訂）條例》）个管理政策，要求全港學堂要勒2009年前成立法團校董會，陳日君非但強烈反對，外加控告政府，声称若然搭政府打官司敗訴，教區會放棄部分學堂主辦權。陳日君話：「講穿仔，也就是政府要辦學團體權力下放畀個別校董會，自家卻攬集大權，直接管制每間學堂。」2006年1月初兩位教師先後自殺後，陳日君指事件搭教育改革搭界，促請政府馬上停止教育改革。

2011年，對於教區司法覆核《校本條例》畀香港終審法院駁回，陳日君爲表達遺憾，進行仔三天禁食抗議，期間伊衹曾領聖體搭飲水。

世貿爭議

2005年12月勒世貿示威期間，陳日君批評警方處理示威遊行个方式是「香港之恥」，引起各界批評。一班退休警一度擬到主教座堂抗議，陳日君乃末勒《公教報》讚揚前線警員，又指「香港之恥」是指警方高層。 此外有警察協會擬去信教宗投訴伊勒世貿會議期間對警方个批評，對此陳日君表示箇是一種盲目支持高層个行爲，反映社會个「向上奉承，向下欺負」風氣。並指出，迭種做法「有點奉承意味」，並反問：「衹要受批評个是我上司，我就板定要支持？」

堅持宗教自由及反對中國干預宗教事務

陳日君樞機於2006年个平安夜子夜彌撒後向前來參觀个大陸學生致送禮物

陳日君樞機及湯漢主教搭香港教區
一眾聖職人員

2000年梵蒂岡教廷勒10月1日冊封曾勒中國殉道个120位中、外傳教士爲聖徒，中國外交部乃末嚴厲抨擊教廷此舉是對中國宗教主權公然挑釁，是以殖民主義搭帝國主義侵略中國。身爲助理主教个陳日君主動投稿《明報》論壇版，痛批北京干預香港宗教事務、逼害大陸神職人員。

陳日君勒2008年11月份接受天亚社采访，评论梵蒂岡國務卿泰西修·貝爾托內（Tarcisio Bertone）樞機2008年4月23日向九十位教廷認可个大陸主教發信。

貝爾托內樞機个信函指出，教宗邀請大陸全體主教“勇敢个履行爾个牧職”，展示教會个公教性，並通過搭政府當局展開直接搭相互尊重个對話，取得“更加廣泛个自由空間”。 伊也促請主教們“聯合起來”，要求中共當局承認伊拉“真正自由个聚集勒一淘、真正自由个探討問題个權利”，並確保“主教个祝聖衹能勒宗座批准後再進行”。

陳日君指出教廷有必要鼓勵大陸主教捍衛教會教義，即教宗本篤十六世勒2007年6月《致中國天主教徒牧函》中提到个教會原則。主教們應表現出搭伊拉个牧職相稱个行爲。主教們需具有「英雄似个勇氣」，因爲教會个未來依靠伊拉。

陳日君鼓勵大陸主教仿效首位基督徒殉道者聖斯德望，指出表明立場弗會令伊拉「失落一切」。

2014年10月，意大利雜誌報導陳日君建議教宗方濟各：「目前覅訪問中國大陸，因爲會畀操弄，衹能見到『愛國』个主教，而弗是伊排追隨教廷个信徒。」陳日君話，「中國嘸沒公民自由，告咾也沒嘸沒宗教自由，可憐个主教受到奴隸般个對待。」

支持港人爭取真普選

陳日君樞機勒2014年10月份表示：教宗方濟各勒梵蒂岡大禮彌撒會見伊辰光主動引用手無寸鐵少年投石打倒全身盔甲手持利器巨怪个聖經故事，形容香港人向中國爭取真普選之讓愛與和平佔領中環搭雨傘革命就像煞大衛挑戰歌利亞。教宗笑著話：「啊！啊！箇就是用『投石器』去打仗个埃个人。」陳日君嚜回應：「我來自香港个『戰場』，儂大概也曉得𠲎！請爲我伲祈禱，覅讓暴力發生。」，然後再親伊个手。陳日君相信教宗鼓勵伊「覅嚇，天主勒大衛身邊。」大衛象徵著香港學生，教宗个鼓勵是指天主會助佑大衛戰勝巨人。

訪問中國大陸被拒

1998年3月是陳日君以訪問性質到內地多個城市探訪當地教會。「九八年四、五月時，我勒羅馬个主教會議上，批評中國嘸沒宗教自由，麻煩就來了。」乃末，陳日君多趟申請前往內地訪問及教學，儕畀回頭脫。「我老氣憤，乃末寫信去罵中央，中央回信反罵我是梵帝岡个聯絡人，弗尊重中國政府，乃末我再寫信去罵伊（中央宗教局），此後就再嘸沒信哉。」

陳日君勒1998年出任助理主教辰光公開支持教廷對畀義和團所殺教士封聖後，畀政府禁止訪問中國大陸長達六年，中國日報、新華社更加是多趟發表對陳日君个批评。2004年5月3日，陳日君接受中國大陸“教會朋友”个邀請，訪問上海，以私人身份參觀訪問，結束六年來个對峙。

退休

陳日君樞機个主教帽

2005年9月19日，《蘋果日報》勒頭版報導陳日君主教打算勒2007年1月份退休。 伊又話，希望可以到中國大陸或非洲教書，因爲非洲个教師短缺。同爲天主教徒个李柱銘指出，陳日君仍身壯力健，教宗作興會得挽留伊。但是，教會內搭陳意見相左个派別嚜認爲陳日君退休有助改善中梵關係。根據報道指陳日君勒當時退休个機會邪氣低，原因主要有兩個：首先教宗本篤十六世已任命陳日君成爲一個主教會議委員會个成員；此外，陳日君已經晉升爲樞機。樞機爲一終生職銜。按照《天主教法典》第401條規定，年滿75歲个教區主教須向教宗呈辭，而是否予以「挽留」嚜，由教宗按具體情況決定。

2008年10月，陳日君勒第12屆世界主教會議期間第三度向教宗作出呈辭个申請；同年平安夜當日接受香港電台訪問時，陳日君表示已經獲得教宗本篤十六世个批准，並勒2009年4月15日得教廷宣布退休後即時生效，助理主教湯漢自動接任了天主教香港教區主教一職。

2009年4月15日，教廷宣布天主教香港教區主教陳日君樞機以退休爲由辭呈，已獲教宗本篤十六世接納，即時生效。湯漢勒2009年4月16日起接任爲天主教香港教區第七任主教。

外部链接

• 香港教區陳日君簡介
• 香港《公教報》 - 2006年2月23日 - 陳日君主教 擢陞樞機專輯
• 陳日君Page
• 陳日君blog