范忠良

来自维基百科
蹦到: 导航搜寻
范忠良主教牧徽

范忠良Josephus Vei Zong Leong S.J.,1918年1月13日-2014年3月16日),圣名若瑟耶稣会会士。罗马教廷委任个天主教上海教区正权主教(2000年-2014年),天主教中国大陆主教团主席。但弗畀中华人民共和国政府承认。

早年生活[编辑]

1918年(民国七年)1月13号,范忠良生勒中国江苏省梅陇镇(今上海市徐汇区长桥新村)。1932年14岁时由“背米爷叔”引荐入教接受洗礼,洗名若瑟。1938年8月30号入耶稣会

晉升司鐸[编辑]

1951年,范忠良畀当时个上海教区主教龚品梅祝聖为神父。

1952年,范忠良畀龚品梅主教任命为备修院(圣心修院)理院。1955年,又改任教区大修院(母心修院)理院。

1955年9月8号,中共政府对天主教上海教区采取镇压行动(天主教内称为九八教难),龚品梅主教搭包括范忠良、金鲁贤在内个一大批神父同时以反革命罪名被捕入狱。1958年,范忠良因拒绝承认中国天主教爱国会,畀判处20年徒刑[1],押往青海省服刑,勒青海坟场从事搬运尸体的工作。1978年,范忠良个20年刑期已满,由于回沪政策嘸沒落实,畀留勒青海劳改农场就业,担任干部子弟学校高中部教师,教授英语课交化学课。

晉升主教[编辑]

1985年2月27号,范忠良勒青海由天主教秦州教區輔理主教陸振聲秘密祝圣为天主教上海教区助理主教。同年个1月27日,金鲁贤也勒上海由爱国会主教张家树(教廷不承认、施以绝罚)祝圣为上海教区“助理主教”,属于自选自圣,畀爱国会承认,但朆得到教宗个任命搭批准。同年8月,范忠良返回上海,住勒外甥囡屋裏。

1988年,张家树殁脱,金鲁贤成为爱国会个上海教区正权主教。同年,龚品梅主教获准出国,朝后起上海教区形成“忠贞教会”主教范忠良搭爱国会主教金鲁贤2位主教并立个情况。(后首来,金鲁贤也获得教廷承认为范忠良个助理主教)

2000年3月12号,龚品梅主教勒美国康涅狄格州史坦佛市去世,范忠良遂接任龚品梅主教个上海教区正权主教职位,以及苏州教区、南京总教区署理主教,不过朆畀中国政府承认,外加常年受到监视。范忠良还是地下教会个天主教中国大陆主教团团长。

2005年以后,关于年事已高个范忠良主教个身体状况,多有传闻,而金鲁贤也勒媒体上宣布范忠良主教患有老年痴呆个消息。 [2] [3]

去世[编辑]

2014年3月16号,畀软禁中个范忠良勒上海个屋裏逝世[1]。随后既有国内安全保卫民警上门,要求拿范忠良主教个遗体拉跑。勒在场教友个维护,以及交国保人员的商议下头,遗体最终畀运往益善山庄,并将接受两天个公开吊唁,两天内勒殡仪馆共总举行仔十二台追思弥撒。但据当事教友称,当天夜裏殡仪馆擔遗体运至益善山庄后,政府人员隔手离开,拿弗知所措个随同教友留勒殡仪馆。

参考文献[编辑]