脚踏车

来自维基百科
跳到导航 跳到搜索

腳踏車(上海言话:IPA /ʨiaʔ˥.daˑ˨.ʦʰo˨˩/),也讲“自行车”,“踏脚车”,是人用脚踏脚踏驱动个小型两轮车。香港、澳門、廣東、廣西、湖南許南方地區也謳渠「單車」;徠新加坡、馬來西亞、中國潮汕地區謳渠「腳車」,江西贛語謳渠「線車(嘚)」、「鋼絲車」、「腳踏車嘚」。一般人平時踏腳踏車個速度一個鐘頭15-25公里,有訓練個人踏專用腳踏車達得到一個鐘頭40公里; 踏腳踏車耗能效率猴高,耗能搭二氧化碳,平均一公里是汽車個1/10弗到。

歷史[编辑]

一部實用個腳踏車
長途旅行用個腳踏車
弗同時代個腳踏車款式
德萊斯1817年個設計

1766年,一幫修士修復達文西徠1490年作個手稿箇朞,發現最早個腳踏車雛型,不過朆老實造出,只有箇想法階段。

法國人西夫拉克一個落雨天架,徠街裏畀經過個四輪馬車整身爛泥灒起,箇一灒渠突發奇想:四輪馬車馨闊,應該畀馬車解兩段,四個擂盤變前後兩個……。於是來1791年,第一部代步個「木馬輪」小車造出。部小車有前後兩個木擂盤,中央一根橫檔連牢,上向一張凳頭緔耷,搭玩具樣。部「木馬輪」雖然講嘸鏈條,也嘸龍頭,不過一般當作人類最早個腳踏車。

1818年德國管林人德萊斯也一部雙輪車做起,渠徠前輪腿一個打方向個龍頭加起。不過踏車到叫舊要用到兩隻腳踏地,策會讓車摸頭擂。1840年蘇格蘭個鐵匠麥克米倫,徠德萊斯發明個木輪車個基礎上進行改進。渠徠後輪腿個軸裏緔彎柄,再用連杆畀彎柄搭頭前個腳踏連牢,前後輪都用鐵造,前輪大,後輪細。馨若人雙腳策弗落地,用雙腳個交換踏畀擂盤帶動讓車摸頭前駛。1842年,麥克米倫踏箇車,一日功夫踏20公里。

1861年,法國個米肖孃兒,徠前輪裏合一個好旋個腳踏,車個坐墊架前輪上向。渠裏畀部車名字「腳踏車」,咦徠1867年個巴黎博覽會上展出。

從西夫拉克一落地到米肖孃兒,渠裏做個腳踏車搭瑲朞個腳踏車差蠻多,種弗帶鏈條傳動系統個腳踏車為了提高速度只好提高前輪個直徑實現,造成車高險,前輪個直徑比公道人個身長都長,騎腳踏車變成猴危險個運動,踏個人擂得地裏來都會受傷。正當性有現代化形式個腳踏車徠1874年造出。英國羅松徠腳踏車上向緔鏈條齒輪盤,用後輪個轉動帶動車順駛。

1886年英國個機械工程師約翰•斯塔利,從機械學、運動學個角度設計出新個腳踏車樣式,合上前叉搭車閘,前後輪大細一色來保持平衡,用鋼管做菱形個車架,還頭垡用橡膠輪腿。斯塔利弗單改進腳踏車個結構,還改做無數生產腳踏車部件用個機床,為腳踏車大量生產搭推廣應用開闊路,怪得渠畀後人謳作「腳踏車之父」。渠設計個腳踏車車型搭瑲朞個腳踏車範子基本一色。

1888年愛爾蘭獸醫約翰•登祿普,從醫 牛肚氣膨脹中得到啟示,畀屋裏花園用來澆水個橡膠管畀起圓形氣打起足緔腳踏車裏,箇便是充氣輪腿個起頭。充氣輪腿是腳踏車發展史裏個劃時代創舉,弗單從大橦頭改變腳踏車個騎行性能,咦完善腳踏車個用功。

中國[编辑]

中國某城市裏個一間腳踏車修車店

腳踏車大約莫徠1875年傳到中國,腳踏車最初謳「洋馬」。對中國人來講,「洋馬」是新奇個物事。當時個刊物《點石齋畫報》便好幾垡畀外國人踏腳踏車當新聞。

1922年中華民國時期,讓位皇帝溥儀結婚朞,渠堂哥溥佳一部腳踏車送畀渠。有大臣猴咄溥佳,講弗應該畀箇危險個物事畀皇帝。不過溥儀朆恤著大臣個反對,十把日功夫便要得踏腳踏車爻,成為中國歷史上唯一一個踏腳踏車個皇帝。聽講,溥儀早時為踏腳踏車畀皇宮裏全部個地栿頭都拆爻。

臺灣[编辑]

臺灣腳踏車個傳進是日治時代起,當時照日語講「自轉車」。1898年日本第一間自轉車廠「宮田製銃所」畀國產腳踏車送皇太子,些數腳踏車進口臺灣。1900年10月5號個報紙還畀自轉車車禍刊載,相關廣告也開始徠報紙雜誌裏出現,當時徠臺北市北門街(瑲朞個博愛路)個鐘錶店「樫村支店」,也賣自轉車,說明一般民眾當渠交通工具爻,甚至組織「遠乘會」踏車遠足,價鈿方面,美國進口比日本巧。

1905年9月,臺灣史上第一個腳踏車偷去爻個車主顏振聲新聞上報紙。照總督府統計,1930年代,臺灣每三戶便有一部腳踏車,相當普遍,當時個照片也顯示商店街個「亭仔腳」到處望得著買物事要勿運送所踏個腳踏車帶起。戰後中華民國政府遷臺,「自行車」、「腳踏車」用詞策傳得臺灣,一般民眾畀鏈條落爻個情況講「落鏈」(台語發音)。1990年代,臺灣成為全球製造腳踏車個重要生產地之一,市占率超過50%。

Commons-logo.svg
维基共享资源里向寻得着搭该篇文章搭界个多媒体资源:
Commons-logo.svg
维基共享资源里向寻得着搭该篇文章搭界个多媒体资源: