洋泾浜

来自维基百科
跳到导航 跳到搜索

洋泾浜,是老底子上海个一条河浜。大约模2公里长,弗到20米宽,流进黄浦江。是英法租界个界河,北岸是英租界,南岸是法租界。大样模是今朝个延安东路(外滩到西藏中路段)。

由于当年租界时期,洋泾浜个特殊地理位置,形成仔特殊个集市。常年有小贩由黄浦江划船进入洋泾浜叫卖,又有相当数量个小摊贩从华埠等地界来到此地,多数集中勒浜哴个桥浪。为仔招揽外国生意,产生仔勿标准个英语,拨俗称为“洋泾浜英文”,后手来“洋泾浜”也拨泛指成对某种语言发音勿准个现象或人。“洋”,本身也正好有“外来个、外国个”意思。上海人通常称当地人为“本帮”或者“本帮人”,“帮”搭仔“浜”也是谐音。