东新桥

东新桥区片图

东新桥，是上海市中心个一只地区名，勒拉上海市黄浦区中部，本来指个是跨洋泾浜个一座桥。现在，东新桥一般性指浙江中路北海路路口一带。

历史

上海县城北面，勒拉现在延安东路个地方，本来有条河浜洋泾浜。1845年搭仔1849年，英国法国沥沥落落成立租界，伊洋泾浜为边界。为咾沟通两租界，方便英租界去上海县城，工部局同公董局分别勒拉洋泾浜上造桥，从东往西分别是外洋泾桥、二洋泾桥、三杨泾桥、三茅阁桥、带钩桥、郑家木桥，大致是今朝个中山东一路、四川中路、江西中路、河南中路、山东中路、福建中路同延安东路个交会处。

1874年，随咾租界发展，工部局、公董局决定造第七座桥。箇座桥选拉郑家木桥西面，今朝个浙江中路延安东路路口。因为是新造个，箇么叫伊新桥。为咾箇座桥，法租界开条新马路，叫伊新桥街。过脱纪念，公共租界搭法租界分别又勒拉新桥西面个广西路洋泾浜箇個地方造仔第八座桥。因为箇座桥勒拉新桥个西面，故咾新个桥叫西新桥，本生个新桥改叫“东新桥”，新桥街也乘枪势里改名东新桥街。1914年，洋泾浜填脱造爱多亚路(Avenue Edward VII)，也就是现在个延安东路，东新桥也畀拆脱。

东新桥建好，拿桥北个浙江路同桥南个东新桥街连勒一道，慢慢交形成闹市区，特别是浙江路一带，变成功上海茶馆、戏院、小吃摊个集中区，更加带动箇一地区个发展。1908年，英商上海电车公司开通2路、5路有轨电车同法商电车电灯公司个3路、10路电车侪来勒箇埭设置东新桥站。乃朝上海公交个14路无轨电车拿箇面当终点站。

周边建筑

• 上海书城