东正教

正教会（Orthodox Church，正式个名称叫做「正統大公教會」），也叫做東正教會（Eastern Orthodox Church）、正教（Orthodoxy）、东正教（Eastern Orthodoxy），是基督教个一个主要宗派，搭天主教还有新教並列，是基督教个三大宗派，弗过，信徒总人數少於天主教和新教。主要信徒分布勒巴尔干半岛、东欧搭仔西亚。

历史

来源

现在个东正教，是从君士坦丁堡主教个基础上头发展出来个。徕勒拜占庭帝国辰光，由于皇帝搭罗马为首个拉丁主教关系不好，两边相互攻击，终于徕勒11世纪中期分道扬镳。东方个教会自称是正统教会。个也是东正教个由来。相比西方个天主教，东正教保留更加多个古代基督教元素。强调个人修养，领悟，灵性等。不鼓励信徒参与俗世纷争。东正教搭国家政权关系密切。从拜占庭到沙皇俄国，统治者对教会个影响就一直巨大。

遭迫害

东正教徕勒历史上头一直遭到回教个迫害，徕勒奥斯曼帝国统治辰光，大量东正教信徒被强制转换成穆斯林。渠拉要缴纳特别个税务。只好充当二等公民。这种情况一直持续到19世纪中期。

除此之外，波兰、立陶宛、条顿骑士团也先后对东正教展开过迫害。

动荡搭复兴

东正教个发展一直搭国家发展紧密相关。拜占庭帝国衰落后，东正教一度受到巨大影响。不过基辅罗斯接受东正教，搭之后莫斯科公国个崛起，让东正教开始广泛传播。成为一种跨越欧亚大陆个世界性宗教。

俄罗斯帝国建立后，东正教成为沙皇维护自家神圣性个工具，地位搭拜占庭帝国辰光几乎一样。对于俄罗斯来讲，东正教是渠拉区别西欧文化个重要工具。

徕勒苏联辰光，东正教受到严厉打压。不过苏联解体后，俄罗斯、乌克兰等国民众对东正教个态度开始迅速好转，但现在西欧国家对宗教个冷漠不同，东正教徕勒东欧还在复兴当中。而且搭民族主义紧密结合，成为对抗伊斯兰极端组织个武器。

主要个东正教国家

东正教作为主流信仰个国家包括：俄罗斯、乌克兰、白俄罗斯、摩尔多瓦、罗马尼亚、保加利亚、希腊、塞尔维亚、马其顿、格鲁吉亚、黑山。东正教作为重要少数派信仰个国家包括：爱沙尼亚、拉脱维亚、哈萨克斯坦、芬兰、阿尔巴尼亚、波黑、黎巴嫩、叙利亚。

著名东正教信徒

普京：俄罗斯总统

江南个东正教

东正教徕勒吴语地区传播弗大广泛，主要个东正教信徒是20世纪20年代逃避十月革命到上海个俄罗斯帝国贵族等。

徕勒上海新乐路上头有东正教堂，造型美观，现在已经成为历史保护建筑。

2013年，俄罗斯东正教大牧首来上海访问辰光，到此地进行过参观。