清教徒

来自维基百科
蹦到: 导航搜寻
Gallery of famous 17th-century Puritan theologians: Thomas Gouge, William Bridge, Thomas Manton, John Flavel, Richard Sibbes, Stephen Charnock, William Bates, John Owen, John Howe and Richard Baxter

清教徒(英文:Puritan)是16世纪英格兰立在宗教改革之后出现个激进分子。伊拉读誓反裂教之后立在英国形成个圣公会弗满意,认为保留仔天主教个规矩,需要进行改革。具体有三点:第一是拿天主教个仪式从圣公会当中清除;第二是通过有教育个牧师进行布道,自家解释经文;第三是通过宗教大会确定规矩,反对天主教样范个主教等级制度。

历史[编辑]

清教徒个活动从16世纪60年代就开始,伊拉搭圣公会关于祭服个争论成为之后交锋个前奏。1570年,剑桥大学神学教授托马斯卡特赖特自家解释经文,鼓吹只有长老制才是《圣经》当中认可个管理形式。迭能,引发对天主教主教团制度个批判,引发新一轮辩论。同时也让一些清教徒自家形成团体。到伊丽莎白一世统治个16世纪压末阶段,清教徒嘸办法通过宗教手段获得自家个成功,告咾就走议会个道路,立在16世纪挨末阶段立在议会当中获得老多趟支持。伊丽莎白一世通过最高法院驳斥迭排主张并打击清教徒。导致交关清教徒跑到个辰光对西班牙帝国开战个誓反教中心地区荷兰。

斯图亚特王朝确立统治之后,老早畀打压个清教徒重新抬头,并立在议会当中获得更大个权势。因为斯图亚特王朝侪是罗马天主教信徒,告咾么,双方个冲突也更加激烈,查理一世登基之后,想效仿欧洲个君主,搞绝对主义并拿英国返回罗马教廷个控制。迭能,就搭清教徒控制个议会发生剧烈矛盾,同时导致英国内战个暴法。内战当中,清教徒拿国王杀脱,并建立克伦威尔领导个独裁政权。弗过伊拉当真推行自家鼓吹个策略辰光,又受到老百姓搭乡绅个反感。1660年代,斯图亚特王朝复辟,清教运动开始慢慢衰落下去。

对美国个影响[编辑]

17世纪开始辰光,清教徒开始移民到英国个北美殖民地。迭批人主要前往新英格兰地区,并立勒当地按照自家个理念建立社区搭自治。伊拉个想法搭生活态度也构成后势来美国立国个基础之一,即所谓个“清教徒精神”。