土山灣

来自维基百科
蹦到: 导航搜寻

土山灣法文上海話讀音:T'ou-Sè-Wè上海舊地名,位於徐家匯南部畀填平前个肇嘉浜沿岸,占地約80畝。

地名由來[编辑]

由1832至1837年間,江蘇巡撫林則徐帥民眾疏浚蒲匯塘等河道堆集淤泥而形成高地,告咾得名「土山灣」,1836年林則徐自捐俸祿,責令上海縣知縣黃冕速辦疏浚河塘一事,還成爲一段佳話。[1]

文化內涵[编辑]

1840年,以法國耶穌會爲主个大批外國傳敎士來到上海,勒徐家匯建造天主堂、修道院、天文臺、藏書樓、敎會學堂咾啥,形成了上海天主敎敎務中心與天主敎社區。[2]

土山灣孤兒院[编辑]

主条目:土山灣孤兒院

1864年,法國耶穌會勒土山灣設立了土山灣孤兒院(L' Orphelinat de T'ou-sè-wè),勒撫養孤兒之余,還創辦了土山灣孤兒工藝院,對繪畫、雕塑、印刷、木刻、金工等藝術領域儕有所涉及,很多新工藝儕發源於此,土山灣對中國近代繪畫、照相、印刷出版、海派雕刻等手工技藝有著深遠个影響,畀稱爲「中國西洋畫个搖籃」,爲近代中西方文化个交流產生了十分積極个作用,書畫大師任伯年劉海粟徐悲鴻儕曾勒箇𡍲任敎。[3]中國雕塑藝術奠基人張充仁、雕刻工藝大師徐寶慶均勒土山灣開始了藝術啟蒙。[2]

土山灣現狀[编辑]

中華人民共和國成立後,土山灣孤兒工藝院於1960年關閉,孤兒院个各個工藝部門也勒之前个公私合營中畀一一拆分脫。土山灣个眾多文化遺跡勒文化大革命中遭受破壞,其歷史價值長期弗被重視。2000年代後,政府逐漸加強了對土山灣文化个研究搭保護,[3]開始著手建立土山灣博物館,勒2010年上海世博會召開期間个2010年6月12日正式開館。

另見[编辑]

參攷文獻[编辑]

  1. 蒲匯塘. 閔行區圖書館網-七寶雜誌 (2002-07-20). 访问日脚2013-12-03.
  2. 2.0 2.1 上海舉辦“土山灣文化歷史講壇”. 人民網 (2008-06-20).
  3. 3.0 3.1 20日新民晚報與徐匯區聯合舉辦土山灣文化歷史講壇 喚醒“中國西洋畫搖籃”記憶. 上海市人民政府 (2008-06-17).