蒲匯塘

贯穿七宝古镇个蒲汇塘

蒲汇塘，又叫蒲肇河，上海浦西中南部一条河浜，西面是蟠龙港，当中同小涞港、横沥港、新泾港交会，经七宝镇、虹桥镇到漕河泾镇，东面是龙华港。淀浦河青浦镇向东到打铁桥箇一段本来是蒲汇塘，1971年改成乃朝伊隻名字。

老底子，河道向东是肇嘉浜，还好连牢日晖港进黄浦江，後些来因为肇嘉浜畀填脱，改成向南借道穆家港去漕河泾，接龙华港去黄浦江，是朱家角、泗泾、七宝咾啥个市镇去上海个重要水路，现在伊个排灌、航运功能畀淀浦河取代脱。1950年代，一段蒲汇塘畀填平哉，变成蒲汇塘路，来勒今朝徐家汇街道个西南部。