跳转到内容

土山灣孤兒院

良文
出自维基百科,自由个百科全书

土山灣孤兒院(法語:L' Orphelinat de T'ou-sè-wè)是一家曾經有過个敎會孤兒院,1864年由法國耶穌會造勒上海徐家匯之南个土山灣地區而得名。

1840年,以法國耶穌會爲主个大批外國傳敎士來到上海,勒徐家匯建造天主堂、修道院、天文臺、藏書樓、敎會學堂、慈善機構等,形成了上海天主敎敎務中心[1],土山灣孤兒院也是勒迭個背景下頭建成个。

土山灣孤兒工藝院[编辑]

土山灣孤兒院勒撫養孤兒之余,還創辦了土山灣孤兒工藝院,對繪畫、雕塑、印刷、木刻、金工等藝術領域儕有所涉及,交關新工藝儕發源於此,土山灣對東亞近代繪畫、照相、印刷出版、海派雕刻等手工技藝有著深遠个影響,爲近代東西方文化个交流產生了邪氣積極个作用,書畫大師任伯年劉海粟徐悲鴻儕曾在此任敎[2]。徐悲鴻直言:“土山灣亦有可畫之所,蓋中國西洋畫土山灣老照片之搖籃也,稱土山灣畫館爲「中國西洋畫个搖籃」。[3]。中國雕塑藝術奠基人張充仁、雕刻工藝大師徐寶慶儕勒土山灣開始了藝術啟蒙[1]

土山灣文化保護現狀[编辑]

中華人民共和國成立後,土山灣孤兒工藝院勒1960年關脫,孤兒院个各個工藝部門也勒之前个公私合營當中一一拆分脫。土山灣个眾多文化遺跡勒文化大革命當中遭受破壞,其歷史價值長期弗受重視。

土山湾牌楼

進入廿一世紀,政府逐漸加強了對土山灣文化个研究搭保護[2],開始著手建立土山灣博物館,勒2010年上海世界博覽會召開期間个2010年6月12號正式開館。博物馆勒拉土山湾孤儿院旧址一楼,展厅面积近900平方米,展出个作品弗仅有张充仁、徐宝庆等大师个作品,更有参加过世博会,历经沧桑、千辛万苦从国外寻转来个土山湾牌楼。2014年,土山湾孤儿院旧址畀选进上海市文物保护单位当中。

參攷文獻[编辑]

  1. 1.0 1.1 上海舉辦“土山灣文化歷史講壇”. 人民網 (2008-06-20). 原始文档勒2020-04-13存档. 访问日脚2016-10-06.
  2. 2.0 2.1 20日新民晚報與徐匯區聯合舉辦土山灣文化歷史講壇 喚醒“中國西洋畫搖籃”記憶. 上海市人民政府 (2008-06-17). 原始文档勒2016-03-25存档. 访问日脚2016-10-06.
  3. 土山灣牌樓回家記. 人民日報海外版 (2009-07-24). 原始文档勒2020-11-04存档. 访问日脚2016-10-06.