唐才常

出自维基百科,自由个百科全书
唐才常像

唐才常(1867年-1900年),字伯平,号绒丞,又字佛尘湖南浏阳人,19世纪后半段东亚政治人物,维新分子。伊在拉同治六年(1867年)出生,搭谭嗣同是浏阳老乡,一道侪是欧阳中鹄个学生,并且畀叫做“浏阳二杰”,

光绪廿三年(1897年),唐搭熊希龄谭嗣同、蒋德钧、陈三立等一道,在拉长沙创设湖南时务学堂

光绪廿四四年(1898年)正月,伊搭谭嗣同一道,发起创立南学会,担任议事会友。八月,伊应谭嗣同个请求,召赴京师,弗过到汉口之后,闻政变发生,谭嗣同就义。就往南走到上海,并且跑路到海外。之后,伊到香港新加坡、日本等地方活动。

光绪廿五年(1899年)二月,伊回到上海,主编《亚东时报》。个一年个秋天,又跑到香港南洋日本,搭康有为梁启超孙中山等接触,准备武装勤王,并为谭嗣同报仇。

光绪二十六年(1900年)庚子拳乱发生之后,伊开始积极活动,搞出一个临时国会,准备用迭个作为自家发动起义个手段。会中推举容闳严复作为正副会长,唐才常自家任总干事,参加者有八十几个人,包括孙宝瑄汪康年章太炎、毕永年等。之后准备在拉长江中游发动起义。

弗过,因为嘸啥军事经验,做实体又比较马虎,伊拉个活动,实际情况侪畀清朝当局弄个清清爽爽。七月廿七号,伊在拉武昌畀张之洞下令捉牢,张之洞派郑孝胥去审问伊,伊态度强硬,第二天畀杀头。