剃发易服
剃发易服是来勒明末清初个辰光，满洲人进入山海关之内后，为达到自家统治个目的，针对原明朝统治范围之内个成年男性进行个强制性行头调换活动。
发端
[编辑]虽然讲，老早来勒满洲本部，后金就开始搞剃头活动。弗过，当伊拉来到北京个辰光。并没有从一开始就搞这些政策。传说，一个叫孙之獬个人主动提出迭个建议，后头被多尔衮采纳。开始对投降满洲帝国个明朝官员搭老百姓开展剃头搭衣裳调换活动，弗肯个人侪要被杀脱个。[1]
具体内容
[编辑]剃发
[编辑]剃发，就是拿老早东亚人流行个长头发剪脱大部分，之留下来一些些，来勒后脑浪，扎成小个辫子。迭个发型， 也是交关游牧民族通用个。比方讲，生活勒东欧边缘个哥萨克，就留邪气类似这种辫子个发型。[2]
易服
[编辑]“易服”就是拿老早明朝个男人服装，调成满洲男人服装个过程。从此之后，明朝辰光个服装，就只好来勒戏台高头看到哉[3]。箇也让交关人认为是丧失衣冠。
