海上花(电影)

出自维基百科,自由个百科全书
(从海上花 (电影)转戳到箇里)

《海上花》(英文:Flowers of Shanghai),是根据《海上花列传》该本吴语小说改编得来个吴语电影。 《海上花列传》本身是拿苏州言话来写个,但拍成功电影个辰光用上海言话

主演[编辑]

梁朝伟刘嘉玲李嘉欣羽田美智子伊能静高捷潘迪华

拍片场化[编辑]

台湾

导演[编辑]

侯孝贤 Hsiao-hsien Hou

年份[编辑]

1998年5月1号

剧情简介[编辑]

中国宗法社会,爱情从来是弗来事张扬个。男人家到妓院里向去寻渠笃个爱情,只有勒妓院该个边缘角落头里还有一眼眼机会。勒拉该搭,男人顺从个是女人个规矩。19世纪末,上海英租界个长三书寓,日日宴歌。归个辰光个高等妓院叫长三书寓。

该个夜头又是宾客盈门,觥筹交错。东道主叫周双珠,是一个克气、大气个青楼女子,同时也是公阳里老鸨个嫡亲囡儿。齐巧勒众宾客勒浪乎哇狼形个辰光,勒拉搭洋人打交道个衙门里向上班个文官王莲生却首先离席告退。是去赴另一妓女张惠贞之约。该桩事体弄得妓女沈小红交关火冒。小红勒荟芳里挂头牌,但渠性格刚烈,为人直爽,少有清客敢去翻渠个牌子。莲生是独独搭渠日长来去个人。次日清清空朝小红寻上大门,勒众目睽睽下底对惠贞大打出手。实际浪莲生所为事出有因。渠觉着小红同时还搭一个年轻戏子柳儿相好,外加登小红个态度浪觉着仔一眼冷淡。烦闷之下莲生去寻另一妓女,实梗末带翻仔小红该个醋钵头。为仔解决问题,莲生勒朋友洪善卿搭仔汤啸庵个陪伴下头来寻小红,拨勒小红伶牙利齿伊个女佣人好好较骂着一顿山门。朋友尴尬到弗得了,甩下仔莲生自顾自跑落,莲生只好一独自去见小红。弗管哪亨,毕竟已经有仔四五年个感情,长话短话仔半日天,两家头又和好如初。

因为渠个特殊身份,双珠常庄勒公阳里充当家长个角色,妓女道里个争风吃醋要渠去摆平,惹着个人命官司也要渠出面去排解。双珠看淡风尘搭仔练达个处世态度受到洪善卿个赏识。

黄翠凤是尚仁里个年轻妓女,是个精明、会搭自家打算个女人,渠渴望早一日脱身青楼,获得自由。她同时自如应付几个男人家,当中关系顶密切个是有钞票又有空个名流罗子富。翠凤一径搭渠勒一道是因为渠觉着渠会帮渠赎身。

小红个人看上去用钞票并弗哪亨呀呀歪歪,债倒弗少。莲生虽然弄弗泠清,尚况还是帮渠去结清爽。一日天酒宴过后,吃醉落个莲生勒勒朆事先告知个情况下底,跌跌蹱蹱冲进小红个卧房,齐巧拨渠碰着小红搭戏子柳儿勒拉一道。盛怒之下,莲生拿渠送拨拉小红个物事统统掼到八门。莲生断然决定讨惠贞做小老婆,拜托善卿帮渠筹备。善卿力阻,却朆成功。

罗于富总算为翠凤赎身。走个辰光,翠风拿所有衣裳、首饰亨白浪当一侪留拨拉别个姐妹。

春去秋来,莲生得到提升,就要离开上海,朋友道里勒书寓开宴会为渠送行。小红老早个女佣人现在帮双珠做事体。登勒渠个嘴里向,莲生晓得小红凄凉个近况。但渠弗想再陷勒笃,渠要走哉,走出该个叫人眼花里花个“梦”…… 里头刘嘉玲个上海闲话刚个满好个。有个老拧。刚苏州话个,是个老早香港唱歌个,梁朝伟个上海闲话跌七跌八。一色度误像个。(朆完)。。。