上海言话

来自 吴语维基百科
蹦到: 导航搜寻

上海言话,也有人讲上海闲话国际音标:/z̻ɑ̃22 hᴇ44 ɦᴇ22 ɦo44/,是吴语太湖片苏沪嘉小片个一种方言,阿是吴语里向来近代交关有影响力个一种方言。

狭义个上海言话一般性指个是上海市区人讲个言话。

分布[编辑]

上海言话分布来上海市区,包括黄浦、南市、卢湾、静安、虹口、闸北、宝山、徐汇、普陀以及闵行搭浦东个交关地方。 八十年代后,上海市中心拆迁加剧,交关上海人迁到郊区,所以上海言话现在开始望郊区扩散。弗过市中心一些地方因为外来人口个关系,事实上已经成为上海言话个空白区了。

历史[编辑]

上海言话个基础是松江片吴语,原生因为来拉海边,发展交关慢,来北部吴语里向算是顶滞后个一道里个。开埠仔,各个场化个移民特别是江浙吴语区移民出现来当地,再加现代化个进程,上海地区吴语个面貌开始以前所未有个高速发展。 上海言话是适合近代语音个吴语,消灭脱大部分中古汉语遗留,拥有快速、明了个特点。音韵也相当便当。

音韵[编辑]

根据好考个资料,一般根据音韵浪个两样,拿上海言话分成功老派、中派搭仔新派三种。

词汇[编辑]

上海开埠仔,作为中国现代化个桥头堡,接触现代个物事也来中国领先。该个也反映来上海言话里向。归个辰光个上海言话吸收交关外国词汇,甚至形成所谓个“洋泾浜”英文。上海言话本身也造出交关新词新语,乃末再扩散到吴语区搭中国别个场化。

现状[编辑]

上海言话搭其他方言差弗多,侪处于消亡过程当中。外来人口个涌入加上强行推广官方语言。让上海言话来勒上海个市中心成为次等语言。来勒郊区情况还要严重。外来人口聚集个闵行、宝山郊区,已经形成了大片中原官话方言岛。 上海家长对于上海言话也没多少清醒认识,多数家长,尤其是老年人,热衷教伊拉后辈普通话,现在上海言话来勒00后里基本消失。

沪语[编辑]

沪语是近来来勒媒体当中兴起个对上海市区话个称呼。

对于沪语概念个争论主要来自网络吴语爱好者。来勒大众当中迭个概念争论较少。来勒吴语爱好者扎堆个百度吴语吧,老早就有爱好者对“沪语”个概念进行指责[1]音韵学左派对沪语个态度最为激烈。有交关趟引发争论[2]

吴语爱好者根据语言学定义,认为上海言话没有资格成为“语”,媒体称上海言话为“语”是一种无知,对于吴语保护没有任何帮助。一些激进个吴语爱好者来勒与上海民粹团体个网络骂战当中就此概念进行了多轮责骂。认为沪语是一个伪概念。

正如苏州人认为吴语仅仅指苏州话一样,上海市民对于将上海言话等同沪语没多少意见。大众认为迭个只弗过是一个代称。当然,大部分人对于语言问题抱无所谓个态度。所以来勒媒体当中,并没有对使用“沪语”一词个顾虑。一些非上海媒体也对沪语个概念相当接受。[3]

别样[编辑]

参考[编辑]

外部链接[编辑]

Commons-logo.svg
维基共享资源里向寻得着搭该篇文章搭界个多媒体资源: