法文

出自维基百科,自由个百科全书
法语
français
讀法 fʁɑ̃sɛ
母语戶蕩 法国法国海外省比利时加拿大瑞士魁北克摩纳哥摩洛哥卢森堡黎巴嫩阿尔及利亚突尼斯哥特迪瓦民主刚果共和国尼日利亚塞内加尔海地毛里求斯老挝柬埔寨越南墨西哥、美国个路易斯安娜州缅因州新罕布什尔州等 47个国家及地区。
使用戶蕩 欧洲美洲非洲太平洋地区
幾許人講 2.5亿 (8.7千万为母语,其他为第二语言)(日期不详)
語系
官方地位
官方言話 30个国家、联合国欧盟
管理机构 法兰西学院
言話代碼
ISO 639-1 fr
ISO 639-2 fre (B)
fra (T)
ISO 639-3 fra

深蓝: 法语占多数; 蓝: 官方语言; 淡蓝: 第二语言; 绿: 法语占少数

法语français)属于印欧语系罗曼语族,是继西班牙语葡萄牙语之后,使用人数最多个罗曼语言之一。法语勒11世纪曾经是除了中古汉语以外[1],当时世界上使用最多个语言。现在全世界大约有87,000,000人把伊作为母语,以及其他大约190,000,000人使用伊(包括拿伊作为第二语言个人)。法语是交关地区或组织个官方语言(譬如联合国欧盟奥林匹克委员会世界贸易组织北大西洋公约组织FIFA世界反兴奋剂组织国际政治科学协会世界邮政联合会欧洲广播联合会等)。

历史[编辑]

尽管交关法国人认为伊俚是高卢人(les gaulois)个后裔,但是今朝呒得多少凯尔特(高卢人属于凯尔特人)人个影响保留勒法国人当中。交关词汇来源于拉丁语日耳曼语言

公元4世纪罗马帝国统治现在个法国地区,拉丁语开始勒法国流行。一直到公元5世纪,拉丁语已经取代了原先通行于法国个凯尔特语。勒高卢境内,随仔罗马移民个增加,高卢人使用个通用拉丁语融合成为大众拉丁语(le latin vulgaire);同时,作为上层文人使用个书面拉丁语开始衰退。公元5世纪,高卢境内个说拉丁语个早先居民,搭随仔民族大迁徙进入高卢个讲日耳曼语法兰克人个语言开始融合。法语开始失去非重音音节。公元67世纪,大众语变为一种混杂语言(un langage composite)。公元8世纪查理曼帝国个建立开始让法语规范化。到公元9世纪,拉丁语搭日耳曼语最终融合为罗曼语。从公元939年卡佩王朝开始,法语成为法国唯一个官方语言。

法语方言[编辑]

开始个辰光,勒今朝个法国领土浪有交关弗同个方言,但是后来“大巴黎”附近地区Ile-de-France个方言取代了其他个方言,而且成为现代法语官方语言个基础。而南方经济因为发展比较落后並且历史上个分隔,至今仍存在交关方言,如马尔舍方言、上朗格多克方言、下朗格多克方言、利木赞方言、上奥佛尼方言、下奥佛尼方言、加斯克尼方言搭普罗旺斯方言。

地理分布[编辑]

La Francophonie是一个国际法语使用者搭法语使用国家个政府组织。

法国人一直对自家个语言非常自豪。殖民地时期,大英帝国将英语带到广大殖民地;而勒二战之后,强大个美国继续勒世界各地传播英语,咯老法语个地位一例勒下降。法国人对居非常弗满,勒力所能及个地方全力抗击英语文化。尽管如此,法语也勒各个方面不同程度受到英语个夹击。

法语发音[编辑]

法语搭英语一样,拼写搭实际读音弗同(搿一点並非所有人侪认同),但规则性比英语要强交关,弗过也有弗少个例外。

字母[编辑]

法语字母表是由拉丁字母组成,勒部分法语个写法当中,大写字母並弗使用变音符号

法语字母
A a B b C c D d E e F f G g H h I i J j K k L l M m N n O o
P p Q q R r S s T t U u V v W w X x Y y Z z                

元音字母 a e i o u

辅音字母 b c d f g h j k l m n p q r s t v w x y z

连字: Œ (œil, fœtus, bœuf...)

法语搭英语一样用26个拉丁字母,勒学法语发音个辰光要分清爽元音字母搭元音,辅音字母搭辅音是弗同个。法语搭英语汉语个弗同之处是法语呒得双元音复合元音,发每个元音个辰光口型侪弗滑动,尤其要注意发鼻化元音个辰光呒此像汉语韵母一样有延续动作。勒法语里向多出了几个音符,搭字母同时使用,有星辰光用来表示弗同个发音,有辰光只弗过区别弗同个意思:“^”长音符通常用来表示曾经省略过某一字母个单词,通常用勒字母“e”,“o”浪,居辰光搿个字母个发音一定为[ɛ],假如être是源于拉丁语单词essere,中间省略几个字母,“¨”分音符可以搭多个元音字母组合,表示这个元音字母弗搭面前个元音字母构成一个字母组合,而分别发音,类似双元音;“é”闭音符只用勒字母“e”上头,表示搿个字母发音为闭口音[e];“è”开音符用勒字母“e”上头表示搿个字母发开口音[ε],用勒其他字母上区分不同个意思,譬如ou=or(英语)“或者”搭où=where(英语)“啥地方”两个单词发音拼写完全一样,但是弗同个词,弗同个意思;软音符ç只用勒“c”字母下头,因为法语搭英语当中一样,“c”勒“a、o”面前发[k]音,勒“e、i”前发[s]音,假如勒“a、o”面前,想让伊发[s]音,需要加软音符,譬如勒français(法国人)中。

元音[编辑]

法语个元音多数圆唇,居就是为啥看法国人话说话个辰光,嘴巴一例是圆个。

  • 注意:/A/对交关法语使用者弗再是音位。但是对于/ə/()是弗是法语中个音素还存在争论。有人认为伊是音位/ɘ/个变体。

辅音[编辑]

爆破音

/p, b/

/k, g/

/t, d/

居是法语里向对大多数亚洲人(非吴语人口)最难学个发音之一。交关亚洲国家学法语个人勒学法语几十年之后仍分勿清爽,问题是法国人对居特别敏感,而且搿个对区别有星词语有关键个作用。难点勒到:区分每一组里向左右两个音,左边为清辅音,右边为浊辅音。原因勒到:亚洲语言(譬如汉语普通话)里向弗存在清浊辅音个区别,而只有送气搭弗送气清辅音个区别。就算学过英语,也可能朆注意,因为英语个清爆破音一般需要送气,勒s后头个清破裂音弗送气,如speak,star,sky等等。但是对吴语人口来讲,法语里向个/p, b/,/k, g/,/t, d/正好对应吴语拼音里向个/p, b/,/k, g/,/t, d/,除开搿星,吴语还有ph (匹),kh (克),th (套)。咯老,以吴语为母语个人可以明显分出p (比),b (被),ph (匹)。


摩擦音

/s, z/
/f, v/
/S, Z/


腭音:/ɲ/

  • 腭音,发音个辰光舌面贴上腭,气流同时从口腔搭鼻腔送出。

边音:/l/

颤音:/r/

  • 有人认为搿个音是法语里向最漂亮个。现代法语里向通常发小舌擦音,各地个发音方式略有弗同;少数地区搭少数情况下也用小舌颤音。有少数法语区,如加拿大魁北克,部分非洲国家搭法国南部少数地区也有只用大舌头音。小舌即医学上个悬雍垂,大舌即

半元音:/j/ [j]总是发音摩擦音。英语y个发音(yeast)。

读音规则[编辑]

法语个读音规则非常简单,通常勒普通个法语字典里向占一页个篇幅。

但是对使用中文个来说,需要了解搿些规则:

  • 单词末尾个辅音字母通常弗发音个,除非勒后头有元音字母或者同一个辅音字母,譬如“paquet”、“pas”、“las”结尾个“t”搭“s”弗发音)。但是,搿星辅音字母勒联诵或者连音当中可能发音。
  • “n”搭“m”勒元音字母面前发字母音,而勒有星元音字母后头並且后头呒得元音字母或者“m”或“n”相连个辰光,搭前面个元音构成鼻化元音
  • 另外,以不发音个辅音字母结尾个法语单词后头紧跟一个元音开头个单词,並且搭伊勒到同一个节奏组当中个辰光会得发生联诵,同样情况,假如面前个单词以辅音结尾,则会发生连音
    • (勒上头文字中,请注意辅音、元音与辅音字母、元音字母个区别。)
  • 辅音字母“h”勒任何情况侪弗发音,但勒作为单词开头个辰光,要区分为“哑音”搭“嘘音”,词典上一般勒嘘音单词前加上“*”。哑音搭嘘音区别主要是:哑音开头个词语,读音、写法变化搭元音开头个单词一样,而嘘音开头单词个变化搭辅音开头个单词一样,即弗能连读,也弗能省音等。

常用词组[编辑]

参见:各地常用会话列表

  • 法语:le français [fʁɑ̃se]
  • 侬好:bonjour [bɔ̃ʒuʁ]
  • 再会:au revoir [oʁəvwaʁ]
  • 请:s'il vous plaît [sil vu plɛ]
  • 谢谢:merci [mɛʁsi]
  • 搿个:celui-làcelle-là [sə lɥi la] / [sɛl la]
  • 多少:combien [kɔ̃bjɛ̃]
  • 汉语:le chinois [lə ʃinwa]
  • 吴语:le wu [lə u]
  • 英语:l'anglais[lɑ̃glɛ]
  • 是:oui [wi]
  • 弗、勿:non [nɔ̃]
  • 我非常抱歉:Je suis désolé [ʒə sɥi dezɔle]
  • 我弗晓得:Je ne comprends pas [ʒə nə kɔ̃pʁɑ̃ pa]
  • 厕所勒哪里相?: Où sont les toilettes ? [u sɔ̃ lɛ twalɛt]
  • 碰杯:Bonne Santé! [sɑ̃te]
  • 汉语侬会讲𠲎?Parlez-vous chinois ?ouEst-ce que vous parlez chinois ? [paʁle vu ʃinwa]
  • 英语侬会讲𠲎?Parlez-vous anglais ?ouEst-ce que vous parlez anglais ? [paʁle vu ɑ̃glɛ]
  • 我从中国来 je viens de la Chine [ʒə vjɛ̃ də ʃin]
  • 侬叫啥嘎?Quel est votre nom?
  • 我欢喜侬。Je t'aime.

语法[编辑]

参见法语语法

法语个动词形态变化非常复杂,以动词"être"[ɛtʁə]“是”为例:

时态(temps) 现在时(présent) 简单未来时(futur simple) 未完成过去时(imparfait) 简单过去时(passé simple)
语式(modes) 直陈式(indicatif) 虚拟式(subjonctif) 命令式(impératif) 条件式(conditionnel) 直陈式(indicatif) 直陈式(indicatif) 虚拟式(subjonctif) 直陈式(indicatif)
1人称单数(je) suis [sɥi] sois - serais serai étais fusse fus
2人称单数(tu) es[e] sois sois serais seras étais fusses fus
3人称单数(il/elle) est [e] soit - serait sera était fût fut
1人称复数(nous) sommes[sɔm] soyons soyons serions serons étions fussions fûmes
2人称复数(vous) êtes[ɛtə] soyez soyez seriez serez étiez fussiez fûtes
3人称复数(ils/elles) sont [sɔ̃] soient - seraient seront étaient fussent furent

注解[编辑]

  1. 中国人口与环境研究会沈益民及童乘珠所写个《中国人口问题:计划生育搭人口迁移政策》,北宋人口开国个辰光六百多万,到宋徽宗辰光高峰期有4700万人。中国南开大学张世铁个《试论十字军东征动因中的生态因素》,法国勒1100年个人口只有620万。

外部链接[编辑]

罗曼语族 (主要语言)
阿斯图里亚斯语 | 加泰罗尼亚语 | 科西嘉语 | 法语 | 弗留利语 | 加里西亚语 | 意大利语 | 拉登语
奥克语 | 葡萄牙語 | 罗马尼亚语 | 罗曼什语 | 撒丁语 | 西西里语 | 艾斯巴尼亚语 | 威尼斯语 | 瓦龙语


欧洲联盟语言
捷克语 | 丹麦语 | 荷兰语 | 英语 | 爱沙尼亚语 | 芬兰语 | 法语 | 德语
希腊语 | 匈牙利语 | 意大利语 | 拉脱维亚语 | 立陶宛语 | 马耳他语 | 波兰语
| 葡萄牙语 | 斯洛伐克语 | 斯洛文尼亚语 | 西班牙语 | 瑞典语

2007年1月1号新增:保加利亚语 | 爱尔兰语 | 罗马尼亚语

来源: 欧盟官方网站
联合国官方语言
阿拉伯语 | 汉语 | 英语 | 法语 | 俄语 | 西班牙语
来源:联合国官方网页
维基共享资源里向寻得着搭该篇文章搭界个多媒体资源: