提篮桥
名称由来[编辑]
清朝嘉庆年间，本地居民勒拉下海庙附近个下海浦上起桥，因为来箇埭烧香个妇女多挎只提篮，故咾叫伊提篮桥，箇么箇个地方也就叫提篮桥哉。
历史[编辑]
第一次鸦片战争后，箇面划进上海美租界，因为有香客弗断个下海庙搭仔通往浦东个摆渡，慢慢交变成苏州河北面个主要集市之一。1903年，上海公共租界工部局勒拉提篮桥地区个华德路（长阳路）、舟山路、昆明路、保定路当中个地块造了只大唻野花花个工部局监狱，俗称“提篮桥监牢”。也正是因为箇只提篮桥监狱，故咾上海人讲到牢监个辰光也会得用到“提篮桥”箇只名字，“送进提篮桥”也变成一句铲人个言话[1]。
纳粹德国个辰光，交交关关犹太人逃到上海来避难，提篮桥是主要聚居点之一。日本占领上海个辰光，拿提篮桥划成犹太人隔离区，最多个辰光箇面曾有3万名犹太人。目前，提篮桥区域里向，长阳路62号还有犹太教个一座华德路摩西会堂。
提篮桥本生为虹口区一只商业、文化中心，必过下海庙个香客减少，摆渡停脱，人气逐渐消失。目前，提篮桥个范围大致是杨树浦路、惠民路、黄浦江、东大名路搭霍山路当中。箇两年，区里向新造上海港国际客运中心，搞出只北外滩概念，开始拆迁造高楼房子。
相关条目[编辑]
参考资料[编辑]
- ↑ 上海提篮监狱：“送侬到提篮桥”是句骂人的话. 新闻晨报 (2013-07-13).
外部链接[编辑]
| ||||||||||||||||||||||||||||||||||