汇山码头

汇山码头（英语：Wayside Wharf），上海市虹口区杨树浦路18号边浪黄浦江边个一只码头，从公平路路口开始向东到秦皇岛路侪是箇只码头个地方，岸线长259米，水深约7米，好停大船。

1872年，英商麦边洋行勒拉提篮桥附近修只浮动码头，弗久拿伊固定下来，叫伊Wayside Wharf，后来名字变成功汇山码头。1903年，麦边洋行拿汇山码头卖畀日本邮船株式会社。1904年搭仔1913年，日本人两趟改造伊，拿伊变成功日华联络船个主要停靠码头。鲁迅、郭沫若、孙中山、爱因斯坦等人侪勒拉箇埭上船下船。1945年8月15号，日本侵华战争投降，汇山码头畀国民政府接管，先后畀美国驻沪海军搭仔中国进出口公司使用。中华人民共和国成立以后，汇山码头同伊西面个华顺码头合併，统称汇山码头。