吴越地区

来自 吴语维基百科
蹦到: 导航搜寻
吴越大致轮廓

吴越地区,也叫江浙地区。勒勒长江下游,主要勒长江南面,有时候江南也是指搿个地区。历史浪几经变迁,但是依靠吴语搿只家生,吴越地区乃歇也有处叫“讲吴语(吴越语[1])个地区” 徽语包属问题,请看吴语

地理概念[编辑]

吴越个概念来勒弗同个辰光有些许变化。来勒老早个春秋秦汉辰光,吴越个地理范围一般搭江东重合,同时,地来勒迭个辰光也被经常划入吴越个范伟。弗过,到吴越国之后,以及宋朝辰光两浙路江南东路个行政区划定型,吴越个范伟就逐步确定下来。 一般所指个吴越地区包括整个浙江省上海市,还有江苏省南部个讲吴语个地区,主要指苏锡常地区。这些地方除脱常州之外,大部分侪来勒五代十国辰光是吴越国个国土管辖范围,可谓是吴越个核心地区。来勒安徽省长江以南个地区,老早属于江南东路管辖,属于广义高头个吴越地区。特别是搭牢浙江省个徽州宣城,历史通过新安江富春江,搭钱塘江流域有邪气多个联系接触。此外,江西省个上饶地区,福建省个西北部。来勒历史高头也曾经受到吴越文化个影响,属于广义高头个吴越。 南京虽然也属于江南东路,弗过作为当今顶大个淮语城市,已经弗属于吴越个范畴哉。长江以北个启东海门等地也讲吴语。属于难以推定个范围。

历史浪[编辑]

吴越地区古代长期侪勒嘞一个文化区里厢,经历之先秦辰光个吴国,越国搭楚国、统一个秦汉、三国个东吴、两晋还有南朝、统一个隋唐、 五代辰光个吴越国、宋朝江南东路搭两浙路、元朝江浙行省等,江浙人还一淘创造之辉煌个吴越文化,拿江南建设成中国最繁华个地区。 吴越地区勒嘞历史浪长期属于同一个政区管辖。秦时属于会稽郡(治吴县)搭鄣郡(汉时改为丹阳郡),后来因为人口增长,到东汉个辰光拿原来个会稽郡拆分为吴郡搭会稽郡,分别治吴(苏州)跟山阴(绍兴)。东吴个辰光又设立之吴兴郡(治今湖州)。到搿许辰光,吴郡、会稽郡搭吴兴郡合称“三吴”。贞观时分天下为十道,吴越地区划归江南道。开元年间因为江南道辖区忒大,划分为 江南东道,江南西道还有黔中道,吴越地区跟福建地区同属江南东道。后来又拆分为浙江东道搭浙江西道。五代十国是吴越国统治两浙地区。宋灭脱吴越后,勒吴越国个土地浪设立两浙路,南宋个辰光分置为两浙东路搭两浙西路。蒙元个辰光,置立之江浙行省。明朝个辰光,江浙行省个苏南皖南部分划到之南直隶,余下各府置立浙江省。

文化传统[编辑]

吴语是吴越地区个通用语言。吴越地区自古文化发达,历史浪文化灿烂,人才辈出,产生之大量个名士大儒。江浙民风细腻,温润,灵秀,是历史浪有名个才子佳人产地。从来都是经济搭文化侪交关发达个地区。 吴越地区个民众多笃信佛教,自古就有“东南佛国”个美誉。所以,吴越地区名山宝刹交关多,比较有名个寺庙有杭州个灵隐寺,苏州个寒山寺,西园寺,湖州个法华寺,常州个天宁寺等等。四大佛山当中个普陀山也勒吴越地区个舟山。 上古个吴越地区,“断发文身,鱼食饭稻”刚猛而尚武。隋唐以来,吴越地区个民风由尚武转向崇文。吴越自古文人辈出,是古代状元搭进士产生最多个地方,也是今朝出产两院院士最多个地区。

文化遗产[编辑]

评弹 昆曲 越剧 苏州园林 江南水乡 江南丝竹 吴歌

当代讴法[编辑]

内部连接[编辑]

外部连接[编辑]

注解搭参考资料[编辑]

  1. 有人强调个地位,葛老要放进去