陆家嘴金融贸易区

2016年辰光个陆家嘴金融贸易区

陆家嘴个清晨

陆家嘴个夜头

陆家嘴金融贸易区是东亚上海主要个金融中心區之一，勒拉浦东新区黃浦江畔，搭西岸个外灘金融创新试验区相对。东到罗山路，南到龙阳路，西、北濒临黄浦江。整個金融貿易區總面積共总有得31.78平方公里，其中陆家嘴中心区（东至浦东南路，南至东昌路，西、北濒临黄浦江），也畀叫成功小陆家嘴，面积达1.7平方公里。

1990年，中华人民共和国国务院宣布開發开放浦東，並勒陆家嘴成立了全中國第一個國家級个金融開發區。陆家嘴乃末也吸引仔交交关关国内外个企业入驻。

陆家嘴也是一个高楼集聚区，有多幢上海市个地标建筑坐落在此，譬如目前上海中心、上海环球金融中心、东方明珠广播电视塔搭金茂大厦咾啥。全長2.5公里个滨江大道么是遙望對岸外灘建築个著名景点。陆家嘴区域裏向个旅游景点还有得陆家嘴中心绿地搭上海海洋水族馆咾啥。

歷史

名字由来

据上海地方志记载，迤逦而来个黄浦江勒此地拐了一个近九十度个大转弯，留下仔一片突出个冲积滩地，从浦江之西朝对岸眺望，迭一块滩地像煞一只大透大透个金角兽伸出脑袋张开嘴巴勒拉箇𡍲饮水。勒迭一块滩地浪，由于明朝个大文学家陆深搭伊夫人梅氏个旧居、以及陆氏个祖茔侪建勒此地，告咾称之为陆家嘴。

古代

明永乐年间，黄浦江水系形成，江水自南向北搭吴淞江相汇后，折向东流，东岸形成一块嘴状个冲积沙滩。明代翰林院学士陆深，生卒于此，故称迭块滩地叫陆家嘴。境内河流纵横，主要有高巷浜、谢家浜、东洋泾浜、陆家嘴港等。明末清初，境内西南搭中部有散居渔民，后首来形成彭家宅。

清乾隆年间，为防汛搭抵御咸潮筑有护塘，塘外为荒滩，塘内有护塘沟，江苏等地船民勒此地定居，逐渐形成杨家毛、喻家门、花园石桥、冶坊桥等自然村宅。清嘉庆年间形成王家门小村落。清道光年间又形成张家堰、吴家弄、姜家弄等自然村落。

近代

清同治元年（1862年）后，英、美、法、日、德等国，勒境内先后辟建仓库、码头、堆栈、工厂。同治十年，清政府建立轮船招商局，并勒烂泥渡建北码头，勒陆家嘴设立南栈房。英商勒烂泥渡建太沽栈。烂泥渡地区商业渐趋繁荣，大宗家用器具、砖瓦竹木等建筑材料，各类土特产等侪以此为集散地，逐渐形成商业街。境内自南向北，设有陆家渡、烂泥渡、游龙路、隆茂栈、春江、坟山、小南洋、泰同栈等8个舢版对江渡。乃朝大部渡口畀工厂、仓库咾啥占脱，衹挺下来东昌路、泰同栈、陆家嘴3隻轮渡站。49後，东昌路成为浦东地区顶闹猛个一条商业街。有得百年老店松盛油酱店、大鸿运酒楼、东方羊肉面店、德兴馆等名特商店，其他各类商店，一应齐全。新辟东宁路搭陆家嘴集市贸易市场。

勒陆家嘴地区，存在仔多种宗教。其中佛教个历史比较长远，自宋朝开始传入并盛於明清。天主教则由明代开始传入，鸦片战争後到民国前期有较大发展。基督教传入略晏，勒清代后期传入，民国期间有发展。

东方明珠望出去，伊个辰光上海中心还呒没造好

上海环球金融中心、金茂大厦、上海中心大厦三足鼎立

从上海国金中心俯拍个陆家嘴夜景

当代

1990年，国务院批准成立陆家嘴金融贸易区。同年，上海证券交易所成立。之后随仔改革开放搭浦东开发个深入，陆家嘴地区已经发展成为仔上海个象征之一，也是上海甚至东亚个金融核心区域之一。上海交关摩天大楼搭地标，譬如東方明珠電視塔、上海环球金融中心、金茂大厦、上海中心大厦等建筑也悉数落成在此。

2015年3月1号，陆家嘴金融贸易区正式纳入上海自贸区范围。

经济发展

总部效应

陆家嘴金融贸易区自成立辰光，大量中外机构嚜开始进驻，其中有交关担地区性甚至全球性个总部设立勒拉箇D。陆家嘴从而成为了一个公司总部集聚区。匯豐銀行、花旗银行、渣打银行、东亚银行、星展银行、恒生銀行、三菱东京日联银行等外资银行个中国总部就设立勒陆家嘴。除脱金融机构外，IBM个全球新兴市场总部也设立勒陆家嘴。

勒国内机构及企业中，中国人民银行上海总部勒拉陆家嘴。交通银行、上海银行与上海农商银行的总部也位于陆家嘴。在保险领域，中国太平洋保险、中宏人寿保险有限公司擔全国总部设立勒拉陆家嘴。到2013年10月，已有得两家银行勒陆家嘴设立了“第二总部”，分别为中国银行搭中国建设银行。该类总部是属于总行和一个派出机构，一个区别于信贷业务而是面向金融市场业务个管理总部。此外，中国农业银行也已擔与金融有关个8个部门总部移到陆家嘴个浦江双辉大廈。勒制造业企业中，大飞机生产商中国商飞公司总部也勒拉2009年入驻陆家嘴。

全国主要交易市场——上海證券交易所、上海期货交易所、中国金融期货交易所搭上海钻石交易所也侪勒拉陆家嘴金融贸易区内。

商业

陆家嘴金融贸易区内有交关大型购物中心，譬如勒中心区域内个正大广场以及上海国金中心。勒大陆家嘴区域裏向个新上海商业城已经成为了上海个六大市级商圈之一，包括华润时代广场、上海第一八佰伴、新梅大厦、中融国际商城咾啥个购物广场。

著名建築

世紀大道及20世紀90年代造个建築物

世纪大道一边个高楼群夜景

世纪大道另外一边个高楼群夜景

从陆家嘴中心绿地望出个高楼群

陸家嘴个著名建築物包括東方明珠電視塔，88層高个金茂大厦，及上海環球金融中心。而上海證券交易所及其所在个上海證券大厦也造勒陸家嘴，交易所設有3,216個交易席位，是全亞洲顶大个交易大廳。上海中心大厦、金茂大厦搭環球金融中心呈现三足鼎立之态。此外，陆家嘴还有得两处双子楼嚜，就是上海国金中心搭浦江双辉大廈，及展会场所——上海国际会议中心。

此外，勒各幢风格迥异个现代摩天大楼裏向，陆家嘴同样伫立仔一栋灰墙黑瓦、古色古香个建筑，紧邻陆家嘴中心绿地，迭個嚜就是陈桂春住宅又名颖川小筑。箇栋两层楼个中国式古宅是原上海商人陈桂春个府邸，乃朝是吴昌硕纪念馆。

其它知名建成建築

商业办公楼

上海中心大厦 上海招商局大厦 上海期货大厦 恒生銀行大廈 中国保险大廈 国家开发银行大厦 上海中银大厦 交銀金融大廈 世界金融大廈 震旦国际大楼 中国金融信息大厦

上海环球金融中心 上海银行大厦 东亚银行金融大厦 上海浦发大厦 花旗集团大廈 渣打银行大厦 时代金融中心 未来资产大廈 档案，存勒互联网档案馆当中。（2014年5月17号） 上海太平金融大廈 招商银行上海大厦

酒店 金茂君悦大酒店 上海浦东香格里拉大酒店 锦江汤臣洲际大酒店 上海浦东丽思卡尔顿酒店 上海柏悦酒店 上海浦东四季酒店 上海凯宾斯基大酒店 上海浦东文华东方酒店

商场 正大广场 上海第一八佰伴 新上海商業城 世纪汇

圖集

• 
  陆家嘴金融贸易区（2005年）
• 
  陆家嘴金融贸易区夜景（2006年）
• 
  陆家嘴金融贸易区夜景（2007年）
• 
  陆家嘴金融贸易区（2008年）
• 
  陆家嘴金融贸易区（2010年）
• 
  陆家嘴金融贸易区（2012年）
• 
  陆家嘴金融贸易区（2013年）
• 
  陆家嘴金融贸易区（2014年）

外部链接

• 陆家嘴金融城官方网站 档案，存勒互联网档案馆当中。（2014年2月3号）