越女剑
《越女剑》是作家金庸个一只短篇武侠小说，是金庸所有个武侠创作里厢所写个历史背景顶早个，篇幅也是顶短个。根据金庸自己个讲法，《鹿鼎记》算是伊武侠小说收山之作，《越女剑》只是一只独立短篇，但同样也是封笔之作。英文版个名字是“Sword of the Yue Maiden”。
出版情况
[编辑]小说本来是勒《明报晚报》1970年创刊辰光登个连载。勒《明报晚报》开始刊登个辰光，《鹿鼎记》也正勒连载中。
故事背景
[编辑]时间是勒春秋战国时期当中个吴越争霸个辰光。小说里厢写到个真实人物有越王 勾践、吴王夫差、范蠡、西施。
剧情梗概
[编辑]当时吴国派了剑士来挑衅越国，越国个重臣范蠡偶然间碰到一位女剑术高手——阿青，阿青凭了伊个精湛剑术，拿前来越国挑衅个吴国剑士打败。而阿青是勒特之一头深山白猿多番交手后，自家领悟出个剑法。范蠡交关欣赏阿青并且让伊训练越国个士兵，而阿青勒训练过程当中不知不觉地就喜欢范蠡了。到后来越王勾践打败吴国后，范蠡终于特伊心爱个西施重逢，阿青就产生了妒忌心并想杀脱西施。当阿青正想动手个辰光，伊看见西施个美貌而吃惊得下不落手。但西施胸口已经被阿青勿当心发出个内劲击中，个辰光西施痛得皱起眉头、捧牢心口个表情，据说美得让看见个人魂也没了，个就是千古传颂个「西子捧心」个典故。
这套零散剑法个传人是南宋江南七怪里被称为“越女剑”个韩小莹，“越女剑法”里有一招名叫“技击白猿”（金庸写勒《射鵰英雄传》里）。
小说人物
[编辑]- 范蠡，越王勾践个大臣，跟西施互相爱慕，到最后再晓得阿青爱慕自己。
- 阿青，越国女剑手，拥有一身由白猿身上学来个奇异剑术，因为爱慕范蠡，想致西施于死地，最终用剑气伤了西施。
- 西施，传说是越王用来对吴王夫差使美人计个美人，勒故事结束辰光被阿青个剑气所伤，所以有西子捧心个样子。
- 白公公，是一只通晓人性而喜欢拿竹棒跟阿青打白相个白色猿猴，伊舞动竹棒个动作当中带有剑法个神髓，可以讲是传授阿青剑法个师父，头一趟看见范蠡时想攻击伊，阿青勿晓得伊是为啥而挡牢伊，跟伊打起来，白猿败后就逃进山林去了。
- 勾践，越国个国王，因越国曾经被吴王所灭，引申出卧薪尝胆个故事。
- 吴国剑士，吃醉酒后杀死阿青个羊，后来又想调戏阿青，被阿青高明个剑术击败。
- 越国剑士，伊拉曾见识到并学习了阿青个剑术，可惜其中呒没人习得其高超之处，每个人仅学到一些表面工夫，但已经够用了。
- 文种，越国大夫，特范蠡一道为勾践想计策攻打、消灭吴国。
- 薛烛、风胡子，铸剑人。
改编作品
[编辑]电视剧
[编辑]参看
[编辑]