文种

文种（?－前472年），名会，字子禽，楚国郢（今湖北省江陵北）人，勒荆平王个辰光曾经做过县令。春秋末期著名个谋略家。越王勾践个谋臣，为勾践灭吴制定之“伐吴七术”个七种方案，搭范蠡一淘为勾践复国立下巨大功劳。前472年，灭吴后，弗听范蠡个劝告，继续留下来为臣。

文种之死

范蠡弗舍得看见文种畀杀脱，从齐国发书畀文种：“飞（蜚）鸟尽，良弓藏；狡兔死，走狗烹。越王为人长颈鸟喙，可与共患难，不可与共乐。子何不去？”。文种读完就称病弗朝，但不过畀人家诬陷有谋反之心，勾践就赐之一把剑畀文种讲：“子教寡人伐吴七术，寡人用其三而败吴，其四在子，子为我从先王试之。”文种晓得勾践容弗落自家，自杀死脱哉。

文种思想

俚个治国之道是“爱民”搿两个字：利之无害，成之无败，生之无杀，与之无夺，乐之无苦，喜之无怒。文种总结商周以来征伐经验，提出伐吴九术。其九术为：一曰尊天地，事鬼神；二曰重财帛，以遗其君；三曰贵籴粟缟，以空其邦；四曰遗之美好，以为劳其志；五曰遗之巧匠，使起宫室高台，尽其财，疲其力；六曰遗其谀臣，使之易伐；七曰强其谏臣，使之自杀；八曰邦家富而备器；九曰坚厉甲兵，以承其弊。