西施是民間認爲個四大美女之首。
西施名叫施夷光，是春秋時代越国人，出身在得介歇諸暨个苧蘿山下澣紗江（浦陽江）邊沿个小村堂嘞。（關於西施个出生地，諸暨搭蕭山兩縣曏來有爭議，蕭山認爲西施出生在得介歇臨浦个地方。）介歇諸暨市有西施殿、西施故里个倘景點來紀念西施。
西施個生卒弗詳，事蹟也有交關演義個成分。頂早辰光渠個形象是個諸暨鄉下個賣薪女，隨後頭在文學作品搭民俗傳說裏向變成功一個澣紗女個腳色。由此還衍生出「沉魚、落雁、閉月、羞花」裏向「沉魚」個典故。[1]
越國給吳國滅國過之後，越王勾踐意圖復國，特爲向吳王夫差進獻上一批美人來媚惑渠，裡向頂出名個便是西施搭鄭旦。
關於越國滅吳過之後西施個下落，一般有介兩種講法：
- 因爲某種原故，沈湖𩑦殺。比方吳地百姓報復媚主害國個西施，撥渠投湖殺害。貤有話越王夫人或者文種大夫怕渠會撥越王收到宮中變得像魅惑吳王介一樣個禍水，而將其投水。也有西施自選擇尋死個講法。
- 文學搭故事裏向有交關西施搭范蠡相戀個情節。范蠡助越國復國之後，看靈清「狡兔死，走狗烹」個道理，便介功成身退，搭西施兩人湊隊泛舟隱居。
- 東施效顰
- 沉魚落雁
- 情人眼裏出西施
- 西施眼：香榧核果一頭高頂個突起，捺一記好輕鬆剝開香榧果殼。諸暨人撥箇個突起喊得「西施眼」。
| 首演年份 | 影視作品 | 扮西施个演員 | 播映電視台/製作單位 |
| 2015年 | 情人哏裡出西施 | 卓文萱 | 全民大劇團 |
- ↑ 實際該典出自《莊子‧齊物論》：「毛嬙、驪姬，人之所美也，魚見之深入，鳥見之高飛，糜鹿見之決驟，四者孰知天下之正色哉。」本義也弗是通過誇張來讚嘆美人之美。
