费利佩四世

Philip IV of Spain

费利佩四世（西班牙文:Felipe IV de España,1605年4月8号-1665年9月17号）。是西班牙哈布斯堡王朝个成员。立在17世纪前期统治西班牙王国。伊继位辰光，也继承伊爸爸费利佩三世对葡萄牙王国个统治权。并保持哈布斯堡帝国立在弗兰德斯、尼德兰等地区个领地。费利佩四世个绰号是大帝(el Grande)。弗过，立在现实当中。伊并弗是一个成功个君主。立在伊手里向，西班牙立在三十年战争中失败，拿欧洲霸主个地位让把法兰西王国。1640年，费利佩四世也失去葡萄牙王国搭葡个海外领地。伊对西班牙内政搭军事个改革也比较失败。1665年伊死脱，王位传到唯一个正式婚姻后代卡洛斯二世手里向。

近亲婚姻

因为西班牙哈布斯堡王朝控制邪气大个地盘。伊拉弗想因为联姻个关系让其他家族染指自家个利益。所以，费利佩四世立在第一趟婚姻（迎娶法国公主波旁家伊莎贝尔）之后，第二趟婚姻是搭自家个近亲奥地利哈布斯堡家族进行个，1649年伊迎娶自家个侄女奥地利玛利亚娜做王后。个趟婚姻虽然留下一个儿子，弗过因为近亲繁殖。卡洛斯二世个智利有先天性缺陷。这对于三十年战争之后个西班牙王国来讲，是一场邪气大个灾难。也最终导致西班牙哈布斯堡王朝立在18世纪初个终结。

子嗣

• 正式儿子卡洛斯二世
• 公开承认个私生子胡安·何塞
• 弗公开身份个私生子将近20人

赞助艺术

Felipe IV a caballo, por Velázquez (Museo del Prado)

费利佩四世个战场搭政治能力弗如然灵光，弗过欢喜拿钞票花费到文化搭艺术高头去。邪气欢喜资助艺术家帮自家画像。所以，乃朝费利佩四世留下来个画像搭伊王室成员个画像侪老多。立在西班牙历史浪冠绝前后。伊顶顶欢喜个画家是有名个维拉支魁支。