胡安·何塞

吴语维基百科,自由个百科全书
跳到导航 跳到搜索
Posible retrato de Juan José de Austria, anónimo madrileño del siglo XVII (Museo del Prado, Madrid).

胡安·何塞(西班牙文:Juan José de Austria,1629年4月7号-1679年9月17号),是十七世纪西班牙个有名军事将领搭权臣。伊从血统上讲起来,是西班牙哈布斯堡王朝费利佩四世个私生子。伊个妈妈是有名个演员玛利亚·咖德隆。伊从小受到良好个教育,外交才能结棍,军事技巧高超。是费利佩四世维持西班牙境外领土个重要军事将领。并且帮助国王平息佳泰隆收割者叛乱。先后立在西西里西属低地佳泰隆葡萄牙出任最高指挥官。弗过,因为西班牙总体国力个下降,伊个军事行动虽然受到一定成效,弗过大部分侪以失败告终。比方讲对西属低地个战争,就最后失败,让荷兰共和国正式独立。立在葡萄牙个干涉,也嘸扭转局面。1665年费利佩四世死脱之后,指定伊帮助先天发育有问题个儿子卡洛斯二世处理国政。个当中,伊搭卡洛斯二世个妈妈发生冲突,拿王太后赶跑。立在1677年实际控制西班牙。之后推行一系列改革,让西班牙个局面略有好转。弗过,1679年,伊得毛病(另外一种讲法是畀敌对势力毒杀)死脱。之后,西班牙个局面又回到继续衰落个道路高头去哉。