董家渡聖方濟各·沙勿略堂

董家渡圣方济各·沙勿略堂是1950年代以前天主教上海教区个主教座堂，勒拉上海市黄浦区董家渡路185号，是中国第一所能容纳2000人个大型天主教堂。

1844年签订个中法《黄埔条约》规定天主教可以勒通商口岸公开传教搭建造教堂。1847年11月21号，意大利传教士罗伯济主教主持了董家渡天主教江南代牧区主教座堂个奠基礼，到1853年4月4号圣枝主日正式开堂。该堂奉16世纪耶稣会派到东亚个第一个传教士圣方济各·沙勿略为主保。教堂个设计者是范廷佐神父，仿照罗马耶稣会总会个圣依纳爵大教堂建造，属于巴罗克风格。教堂正立面有伯多禄搭保禄雕像。堂内几根周长10米个巨柱，搭中国式样个莲花、仙鹤图案，侪邪气特别。堂前院内有三圣亭。

该堂周围住勒上海顶早一批信奉天主教个教友，太平天国时期，交关以沙船业为生个教友迁至董家渡。1933年，该堂开始由中国籍神父管理，各堂口神父侪勒拉箇𡍲“避静”、“歇夏”，年老个神父勒拉箇𡍲疗养。

1966年，董家渡教堂畀关脱，“文革”期间，畀工厂当作仓库占用。1982年衹归还附属房屋100平方米，因陋就简恢复弥撒。1984年，恢复仔大堂个大部分，由李思德主教主持复堂大礼弥撒。2000年5月1号，大堂全部归还，修缮后，9月17日由金鲁贤主教主持复堂大礼弥撒。

1993年7月14号，董家渡天主教堂畀公布为上海市文物保护单位。

参见[编辑]