罗宋汤

出自维基百科,自由个百科全书
摆酸奶油个罗宋汤
罗宋汤个制作过程

罗宋汤上海闲话:lu·soŋtʰɑ̃、俄语乌克兰语борщ波兰语barszcz,也叫红菜汤)是发源于东欧个一种燉湯。来箇眼地区,罗宋汤大多数用甜菜作为主料[1],擔洋山芋红萝卜菠菜跟斩成一块块个牛肉酸奶油等等一道,所以是紫红颜色个。

名称来源[编辑]

罗宋”是来自上海闲话Russian个翻译名称,现在有辰光也用昰个词指代俄罗斯

做法[编辑]

最简单个罗宋汤只有甜菜、盐、糖、胡椒粉跟一点柠檬汁。别个经常加进去个蔬菜包括卷心菜番茄洋山芋芹菜洋葱。成分来各地全弗一样。波兰人经常加卷心菜跟洋山芋,乌克兰人常加番茄。难板点也加牛肉块或者用牛肉清汤。欧洲跟美洲人经常加一点酸奶油。

跟上海个渊源[编辑]

德大西菜社个上海罗宋汤

罗宋汤在20世纪初随着白俄难民来上海租界避难开始传进上海。因为甜菜弗适合来上海温暖个气候条件下头种植,所以讲上海人用卷心菜替代甜菜,用番茄酱调节汤个颜色,同时增加甜味道[2]

上海罗宋汤个做法[编辑]

  • 上海个罗宋汤用番茄作为主料,有辰光也加眼番茄酱。一般性是先擔番茄酱用油煸一煸,去脱酸味道,再加眼白砂糖,昰然就好酸中带甜。有眼做法还会以牛肉汤为汤底,加眼红肠、洋山芋等等。来上海,罗宋汤尤其在德大西菜社天鹅阁出名,当然随着罗宋汤之后一点点家常化,罗宋汤个做法来上海人之间也随着弗同口味而千变万化。

参考资料[编辑]

  1. 羅宋湯其實係俄國菜?博士解構 點解變茶記例湯?. 蘋果日報 (2016-11-26). 原始文档勒2018-01-06存档. 访问日脚2018-04-23.
  2. "一百个上海人有一百种罗宋汤". 新浪网. 2012-08-20. Retrieved 2014-01-04.