繁花
箇篇文章讲个是小说，也可以是有关电视剧，请参看“繁花（电视剧）”。《繁花》，原题《上海阿宝》[1]，是《上海文学》副主编金宇澄写个一部话本体长篇小说，用沪语风格描写上海市民生活。箇本小说一开始是网络小说个形式发表拉本地文化论坛“弄堂网”浪，后些来勒拉《收获》2012年秋冬长篇专号正式发表[2]，2013年个辰光，小说单行本由上海文艺出版社出版。
箇本书获得2012年度中国小说排行榜长篇小说第一名、2013年首届鲁迅文化奖年度小说奖[3]、第九届茅盾文学奖[4]等奖。箇本书还改编成舞台剧、苏州评弹搭电视剧。
内容
[编辑]小说分两条辰光线写个，分成沪生个童年搭当下。沪生搭仔阿宝是小说个两位主要人物。[5]
《繁花》个叙事辰光是上海个20世纪60年代到90年代，全文加上引言、尾声总共三十三章。叙事分成两条线，一条线从1960年到文化大革命结束，另外一条线从1980年到21世纪初，讲述阿宝、沪生、小毛三位童年好友个上海往事，从十岁个阿宝开始，到中年个小毛走脱结束，阿末两条线合勒一道。[6]
言话风格
[编辑]作者金宇澄表示，《繁花》是一部基于上海言话思维写成个小说，帮普通话思维弗一样。作品侪采用方言句式完成，为咾防止赶勒读者跑，故尽量改到跟普通话同步，必过还保留差异，存在上海话个语音特征。作者认为寻着拿上海言话表达出来个方式以後感觉邪气扎劲。[7]
小说里向，来勒句式丄用弗分行个方式写对话；用词上用仔毛1500隻“不响”，成为小说显著个用词特征。[8]
改编作品
[编辑]苏州评弹
[编辑]2016年12月28号，上海大世界重新开张。上海评弹团副团长高博文演出《高博文说繁花》，全长约一個钟头[9]。
舞台剧
[编辑]2018年1月26号到2月2号，舞台剧《繁花》第一季来勒上海美琪大戏院上演[10]，反响热烈[11]；2018年6月21号到24号，舞台剧《繁花》来勒北京天桥艺术中心连演六场[12]。舞台剧全程用沪语念白，原著作者金宇澄认为箇弗会畀观众带来理解障碍，反而会得加分[11]。
评论员今叶来勒《北京青年报》丄提出批评，认为剧作成功转化小说里向个心理时空，必过来勒剧场上演个效果丄欠考虑哉，导致呒没读过原著个人会得觉着情节琐碎、人物零散[13]。上海戏剧学院教授荣广润认为，该剧长三個钟头而弗枯燥，原著主线抓唻蛮牢个；必过剧本沿用双时空交错个方式却看弗到之间个联系，让人遗憾[10]。
電視劇
[编辑]2021年6月7号，由王家卫擔任总导演、胡歌主演个同名電視劇預告片来勒2021腾讯视频影视年度发布上亮相。電視劇講述个是20世紀90年代个上海，劇中出現和平饭店、外灘江海关大楼咾啥个场景[14]。
2023年12月27号，《繁花》电视剧来勒CCTV-8电视剧频道开播，线上由腾讯视频同步播出，提供普通话搭上海话两隻版本。[15]
参考资料
[编辑]- ↑ 程德培：我讲你讲他讲闲聊对聊神聊——《繁花》的上海叙事. 访问日脚2018-08-15.
- ↑ 金宇澄. 繁花. 收获 (《收获》文学杂志社). 2012-09-23,. 2012年长篇专号（秋冬卷）. ISSN 0583-1288.
- ↑ 金宇澄谈成名：像老女人忽然怀孕 不自然 (2014-03-26). 原始文档勒2014-04-22存档.
- ↑ 第九届茅盾文学奖评奖办公室 (2015-08-16). "第九届茅盾文学奖评奖办公室公告[2015年第3号]" (in zh-hans). 作协新闻 (中国作家网). Retrieved 2015-08-16.
- ↑ 刘涛. 花繁花衰——《繁花》论. 艺术评论 (北京: 中国艺术研究院). 2014, (05): 105–109. ISSN 1672-6243. doi:10.16364/j.cnki.cn11-4907/j.2014.05.008.
- ↑ 黄平. 从“传奇”到“故事”——《繁花》与上海叙述. 当代作家评论 (辽宁: 当代作家评论杂志社). 2013, (04): 54–62. ISSN 1002-1809. doi:10.16551/j.cnki.1002-1809.2013.04.014.
- ↑ 金宇澄专访：我用上海话思维写《繁花》. 南方都市报. 访问日脚2018-08-15.
- ↑ （2013）繁花．上海：上海文艺出版社．ISBN 978-7-5321-4800-4．
- ↑ 潘妤. "在上海大世界的八仙桌旁听评弹《繁花》". 澎湃新闻. Retrieved 2018-08-15.
- ↑ 10.0 10.1 圆桌｜从小说到舞台剧，《繁花》的改编好在哪里. 访问日脚2018-08-15.
- ↑ 11.0 11.1 上海话演《繁花》，金宇澄不担心有障碍. 访问日脚2018-08-15.
- ↑ 《繁花》：何必为生命的片段哭泣，我们整个人生都催人泪下. 访问日脚2018-08-15.
- ↑ 把小说搬上舞台，问题开始了-新华网. 北京青年报. 原始文档勒2018-08-15存档. 访问日脚2024-10-15.
- ↑ "时光如水，他从“繁花”处走来，“上海阿宝”胡歌拉开人生帷幕". Retrieved 2021-06-11.
- ↑ 《繁花》开播10分钟，收视率破2，网友：老泪纵横_澎湃号·湃客_澎湃新闻-The Paper.