洋涇浜聖若瑟堂

吴语维基百科,自由个百科全书
跳到导航 跳到搜索

歷史[编辑]

道光二十六年(1847年),耶穌會會士梅德爾(Lemaitre Mathurin)神父憑藉清廷關於歸還敎產个上諭,要求發還城內老天主堂敎產,上海道臺另撥三塊土地補償老天主堂敎產,洋涇浜即其中之一,該地原爲北門外个張家祠堂。

咸豐七年(1857年),天主敎江南代牧區帳房杜若蘭神父(Desjacques Marin)從董家渡遷到洋涇浜,成了租界裏个第一任本堂神父

咸豐八年(1858年),天主堂周圍有外國敎徒92人,中國敎徒180人。

咸豐十年(1859年),勒洋涇浜建若瑟堂,法國遠征軍司令孟鬥班( Montauban)與布林布隆(Bourbouron)公使夫人爲之舉行奠基禮,次年6月在接近完成第一期工程時開堂。

同治二年(1863年),法國外交大臣德呂伊斯從中國个賠款中撥出30萬法郎交畀江南宗座代牧區,上海耶穌會會長鄂爾壁,用此款勒上海租界內購買大批地產,經營各種房地產等業務,使敎會產業弗斷擴大。

同治五年(1866年),耶穌會會士蘇念澄神父(Basuiau Hippolyte)任洋涇浜若瑟堂院長兼敎區總帳房,該堂遂成敎區个經濟中心。

1950年,龔品梅出任天主敎上海敎區首任華籍主敎,擔主敎府設在洋涇浜聖若瑟堂。

1966年8月,“文化大革命”爆發,聖若瑟堂畀紅衛兵關閉,改作他用。

1986年恢復開放,與四川南路小學勒同一個院裏向。該敎堂被列爲上海市優秀近代建築

勒敎堂周圍相繼開辦个醫院、學堂有:

  • 仁愛會,修女于同治三年創辦公濟醫院(後遷至北蘇州路);同治十年,創辦若瑟書院(外僑女子中學)。
  • 同年拯亡會修女收養孤女辦學,光緒元年分爲上智女校(即曉明女中、市六女中,今爲旅遊職業學堂)及若瑟孤女院(多爲歐亞混血兒,1937年遷徐家匯天主堂),同治十三年開辦聖方濟學院(光緒十年遷虹口);
  • 光緒二年,開始建造拯亡會修女院(亦稱聖母院,1959年並到總會),法文書館(即中法學堂)光緒十二年設在今金陵東路,曾遷今四川南路,民國2年又遷到今上海市光明中學
  • 民國5年,勒敎堂前北側開辦類思小學(今四川南路小學,敎會辦个中小學解放後由敎育部門接辦)。

建築[编辑]

建築風格末,爲晚期羅馬式哥特式个組合,磚混結構,內部用束柱搭肋骨拱頂形式,窗戶儕爲拱券,高大明亮,並以宗敎題材个彩色玻璃所鑲嵌,目前勒上海敎區僅該敎堂保留此特色。平面呈拉丁十字形,單鐘樓立面構圖,座西朝東,正立面有三扇大門。東西長48米,南北寬30米,鐘樓高約33米,鐘樓內原有四口大鐘,建築面積1146平方米,可容納一千餘人。

彌撒時間[编辑]

  • 平日:7:00(拉丁念經彌撒/中文念經彌撒)
  • 主日:7:00(拉丁念經彌撒/中文念經彌撒)9:00(中文唱經彌撒)
  • 每月末主日、四大瞻禮:9:00 拉丁坐唱彌撒

別樣[编辑]