江川路街道
江川路街道，是中华人民共和国上海市闵行区下头一隻街道办事处，也就是老早个闵行卫星城。上海人习惯叫江川路街道箇块地方“老闵行”，或者直接叫伊“闵行”[註 1][1][2]，乃朝江川路街道个北街居委会差弗多是闵行老街[2]。面积30.27平方公里，户籍人口13.2万人（2011年）。
历史沿革
[编辑]闵行，貤叫敏行[3]，来勒原先上海县个南界、松江府个东北面[4]，名字赛过是黄浦江来勒箇埭水流急。因为地势较高、水患少，传有“三世修来住在闵行前”个讲法[5][6]。箇隻镇到现在约莫700年哉[7]。到清朝晚期，迭面已经商贸兴盛。1928年市县分治以後，闵行镇是上海县首镇，店铺林立，市面繁荣，人称“小上海”。1950年代，上海市开始建设闵行工业区；1980年代，闵行卫星城大开发，老镇拆脱弗少[6]，留下来个项家老宅旧址、节孝坊咾啥个侪是闵行区文物保护单位[8]。来勒1991年新个闵行区建立以後，老早个闵行镇区域变成“老闵行”。2000年10月份，上海市人民政府下发文件，批准撤销华坪路、碧江路两隻街道办事处，成立江川路街道办事处[9]。
道路命名
[编辑]江川路街道里向1949年以後新造个路多用云南地名命名，比方讲江川路、剑川路[10]。箇些道路还另有编号，當中东西向个是单数，南北向个是双数。
- 一号路：江川路
- 二号路：华宁路
- 三号路：剑川路
- 四号路：临沧路
- 五号路：景谷路
- 六号路：昆阳路
- 七号路：鹤庆路
- 十号路：瑞丽路
- 十二号路：兰坪路
注释
[编辑]参考
[编辑]- ↑ 《老闵行》.
- ↑ 2.0 2.1 上海市闵行区江川路街道网站>社区概况>人文历史. 原始文档勒2015-07-04存档. 访问日脚2024-10-07.
- ↑ （1937）“卷2《镇市》”，弘治《上海县志》．上海市通志馆．原文：“敏行市在十六保”
- ↑ 《松江府志·卷一》：上海县在府东北……南至闵行镇、华亭县界七十二里
- ↑ 顾翰《松江竹枝词》：“春申江上浪滔天，劫火烧来断水边。妾苦今生修未到，郎家不住闵行前。”评注：传有“三世修来住在闵行前”之谚，人以为无水旱之患也。庚申郡城失守，粤匪南北骚扰，独不渡浦，而闵行果依然无恙，前言始验。前人都务农最怕水旱，而居闵行则无忧。前人皆务农，最怕水旱之患，闵行无忧，故有是谚。
- ↑ 6.0 6.1 人文历史. 原始文档勒2017-10-06存档.
- ↑ 上海市闵行区人民政府（1991）．“行政区域”，上海市闵行区地名志．中国大百科全书出版社上海分社．
- ↑ 市文广影视局 (2011-10-28). 闵行区县级文物保护单位、登记不可移动文物. 上海市文化广播影视管理局. 原始文档勒2012-05-12存档.
- ↑ 时间的刻度 历史的脚步. 闵行报社 (2017-10-14). 原始文档勒2017-10-14存档.
- ↑ 隐藏在闵行大街小巷的“秘密”，是该让你们知道了. 访问日脚2019-03-08.
| ||||||||||||