松江府

松江府是蒙古帝国辰光来勒现在松江地区设立个地区行政建制区，也是上海个历史文化之根，有“先有松江府，后有上海滩”个讲法。松江府个范围来勒现在上海苏州河以南地区。松江府个府治（衙门）来勒松江二中附近。

更迭

至元14年（1277年），华亭县变成华亭府。第二年(至元15年，1278年)，改名叫松江府，下头管华亭一个县。至元廿七年（1290年），拿华亭分出一部分，设立上海县。明帝国嘉靖廿一年（1542年），华亭县搭上海县又分脱一部分地区，设立青浦县，也归松江府管辖。清朝顺治13年（1656年），设立娄县；雍正两年（1724年）,设立奉贤县、金山县、南汇县搭福泉县；到雍正8年（1730年），又拿福泉县并入青浦县；清朝中后期，松江府个人口继续增加，到嘉庆10年（1805年）,来勒现在个浦东地区设立川沙。

辖区

华亭县、上海县、青浦县、奉贤县、娄县、金山县、南汇县。

经济

元帝国辰光，松江人黄道婆到海南，学会先进个纺纱技巧，回到松江传播技术。让松江成为之后帝国第一位个纺织中心。来勒明帝国搭满清帝国个辰光，松江个棉布全国畅销。并且成为进贡个贡品。