梅陇镇（上海市）

梅陇镇，是中华人民共和国上海市闵行区下头一隻镇，面积25.71平方公里，户籍人口10.85万人（2008年）。

历史

梅陇镇老镇来勒现在个沪闵路虹梅南路西南面，老底子叫褚家弄。明朝成化年间，有安徽宣城梅姓人士倒插门当地褚家来，人丁兴旺，形成弄堂。後来梅家人多过褚家人，故咾当地人叫梅家弄。因为上海县城里向东、西各有一处“梅家弄”，而迭头也是上海县辖区，邮差常常拿箇几隻地方弄错脱。1931年，当地士绅提议取谐音改名叫“梅龙”，必过为咾弗跟“梅龙镇”（乃朝安徽池州梅龙街道）搞混掉，故咾改用“梅陇”二字。1933年，上海市政府发布通告，正式拿梅家弄更名叫“梅陇”。