托马斯·杰弗逊

Thomas-Jefferson

托马斯·杰弗逊（英文：Thomas Jefferson，1743年4月13号－1826年7月4号），是18世纪挨末阶段到19世纪是辰光美国个政治家，从1801年到1809年，担当美国第三任总统。此外，伊本人也是美国个开国元勋之一，是举世闻名个《美国独立宣言》主要起笔人。伊本人精力旺盛，才华绝伦，担当总统辰光，主导过路易斯安那购地案（1803年）、1807年禁运法案（Embargo Act of 1807）、同时资助路易斯与克拉克探勘（1804–1806）。

除脱政治事业之外，杰弗逊同时也对学问有浓厚兴趣，涉猎范围包括农学、园学、建筑学、词源学、考古学、数学、密码学、测量学搭古生物学等学科。立在艺术浪，又是一名作家搭小提琴手。此外，伊也是弗吉尼亚大学个创办人。

杰弗逊立在宗教高头是一个自然神论人士，自称信仰非教会组织个基督教，同时认为基督耶稣是自家个导师。伊死脱之后，美国人修造杰弗逊纪念堂纪念伊，乃朝已经成为华盛顿特区有名个地标。