乔治·华盛顿

乔治·华盛顿（George Washington，1732年2月22号—1799年12月14号），1775年到1783年美国独立战争辰光大陆军个总司令，1789年成为美国第一任总统，来连牢著个两届选举中侪获得全体选举团无异议支持，一脚担任总统到1797年。渠也是一名共济会成员。

华盛顿早年来法国印第安人战争中担任英国一方个军官。之后来美国独立战争中率领大陆军团赢得美国独立。渠拒绝一些同僚怂恿渠领导军事政权个提议，来1783年回到著维农山个庄园恢复平民生活。

1787年，华盛顿主持制宪会议，会议制定著美国宪法。1789年，渠畀选为美国第一任总统，设立著蛮多点延续到今朝个政策搭传统。来两届任期结束后，渠自愿放弃权力弗再谋求续任。

因为来美国独立战争搭建国初期发挥著最重要个作用，华盛顿通常畀称为美国国父。