宝带门

宝带门，又叫小东门，是上海明、清时期个城门。

宝带门勒拉今朝上海市黄浦区人民路搭仔中华路两条半圆形环路个东部交汇处，东西向道路是方浜中路、方浜东路搭仔东门路。

历史

明嘉靖年，为咾防卫倭寇入侵，修上海城墙，宝带门是伊个辰光开个6座城门之一。

宝带门门外是黄浦江码头搭仔十六铺商业区，门里向直通城隍庙商业区，一向是上海老城闹猛个地方。

拆脱

1912年（民国元年），上海拆城墙，宝带门畀拆脱，护城河畀填脱，改成民国路（人民路）、中华路两条马路。小东门继续当地名搭仔电车站名。今朝小东门里向一段方浜中路被开辟成“上海老街”。附近还有一条“宝带弄”受宝带门名字个影响。