城隍庙
上海城隍庙（上海话：老城隍庙，上海话拼音：lhaoshenhhangmhiao），是中国上海著名景点，道教正一派勒上海个最主要个道观，勒拉方浜中路249号，豫园边浪。上海城隍庙最早是明永乐元年（1403年）造个，从原来个霍光行祠改造过来个。后些来经过几𡍲扩建，勒拉清朝道光初年达到鼎盛。民国13年（1924年）中元节，“三巡会”举办个辰光失火烧脱。民国15年（1926年）重新用钢筋混凝土造个，第二年造好个。1966年4月份开始，城隍庙停止宗教活动，庙产曾改成商场。1994年11月份，上海城隍庙还畀上海道教协会，第二年开始恢复宗教活动。
