跳转到内容

十六铺

出自维基百科,自由个百科全书
十六铺街景

十六铺上海市个一块地方,一般性指个是黄浦区东南部黄浦江中华路人民路(也就是上海老城厢个城墙)当中个地区。

十六铺箇只名仔是1860年代个辰光出现个。伊个辰光,为了防备太平军,清朝地方官员拿县城内外个商店组织起来,组成16只“铺”,搞些治安搭公共事务。箇当中,十六铺是面积顶顶大个只“铺”,包括县城小东门外头,西到城墙,东到黄浦江,北面小东门大街同法租界贴壁壁,南到万裕码头街、王家码头街。1909年,上海县地方自治,铺畀取消脱,只挺十六铺箇只名字还勒拉用,箇是因为十六铺地理位置好,清嘉庆道光个辰光已经是南北沿海航运个枢纽哉,从箇埭向南一直到陆家浜,停拉交交关关个船搭仔舢板[1],是有名个码头区。

十六铺客运码头也有名气个,勒拉箇埭好买着去浙江沿海地区个船票。必过因为公路、铁路、飞机个竞争,船运咾快就呒没啥人乘哉。十六铺客运码头用到2003年9月份,挺下来个少数客运线路搬到吴淞口个上海港客运中心。2004年12月,十六铺客运码头拆脱,造了只水上旅游集散中心。

参考信息[编辑]

维基共享资源里向寻得着搭该篇文章搭界个多媒体资源:
  1. 朱梦华:《上海的沙船业》