宜山路站
宜山路站来勒上海市徐汇区凯旋路，宜山路搭徐虹路之间，是上海轨道交通3号线、4号线搭9号线个车站，目前属于三线换乘枢纽。不同于其他3、4号线共线个站点，本站3、4号线使用弗同个站台区域，弗能实现同台换乘。
换乘方式
[编辑]三座车站通过宜山路凯旋路东北面个地下换乘通道连勒一道。
- 3号线、4号线、9号线经由地下个换乘通道好进行站内换乘。
- 3号线、4号线、9号线继续保留原来个虚拟换乘，有公交卡个趁客也好进行出站換乘，里程连续计算。
原计划宜山路站来勒2008年底9号线开业个辰光通过宜山路公交枢纽个地下换乘通道实现三线换乘，结果宜山路公交枢纽个建设进度问题导致车站个临时地面换乘通道只好实现9号线同3号线个站内换乘，想换乘4号线还是要用公交卡进行虚拟出站换乘。[註 1][1][2][1][3][4]
宜山路站临时换乘通道呒没自动扶梯搭仔通风设备，经常性收到趁客个批评，每年夏天侪有趁客嘲伊是“蔬菜大棚”。2023年7月23号，宜山路站临时换乘通道加装24台电风扇，来勒通道一面个墙丄贴爻部分“鸡汤式”标语[5]，引起争议，7月24号迅速铲脱。通道周边相关开发项目负责人表示，地下换乘通道已确定由箇家企业代建伊个土建结构部分，已经来勒7月份开工哉[6]。8月3号，通道里向又安装18台冷风机[7]。
宜山路站个正式换乘通道来勒2023年10月24号立项[8]。2024年4月3好开始，为咾配合永久换乘通道中连接3号线站厅南侧通道个建设，临时通道4号线站厅段封脱哉，拿隔断3号线站厅个围栏挪开来，4、9号线之间进行换乘要绕行3号线站厅。2024年6月22号，正式地下换乘通道开通，取代原先个临时通道[9]。临时通道停止使用以後，会得拆脱，恢复成地面道路搭仔绿化景观。
|
注释
[编辑]- ↑ 9号线搭4号线换乘，媒体报道有蠻多弗同个地方，《青年报》、《i时代报》、地铁官网搭地铁客服热线答复讲两条线好直接虚拟换乘，《新闻晨报》搭《新闻晚报》呢讲两条线弗好直接虚拟换乘咾，板要经过3号线站厅搭临时换乘通道，根据2008年12月28号实地测试，从4号线换到9号线弗好直接换乘，一定要经过3号线站厅个闸机搭换乘通道，但是根据网友测试，从9号线换到4号线好直接虚拟换乘，用弗着通过3号线站厅搭闸机。2009年，上海地铁官方正式证实两种换乘方式，还建议高峰时期9号线搭4号线换乘个趁客通过地面换乘，来实现分流。
参考
[编辑]- ↑ 1.0 1.1 9号线宜山路站建成 设临时换乘通道，步行约2分钟.
- ↑ 宜山路交通枢纽09年建成 出租车"定点停靠". 原始文档勒2007-11-24存档. 访问日脚2024-06-22.
- ↑ 宜山路交通枢纽09年建成 出租车"定点停靠". 原始文档勒2007-11-24存档. 访问日脚2008-11-11.
- ↑ 三线换乘指南. 原始文档勒2016-05-08存档. 访问日脚2009-01-19.
- ↑ "“临时”十年，上海这条地铁换乘通道装电扇了，还贴上了名言警句". 澎湃新闻. 2023-07-23. Retrieved 2023-07-23.
- ↑ 上海这个地铁站“鸡汤标语”已撤，换乘通道改造项目开工. 澎湃新闻 (2023-07-25). 访问日脚2023-08-29.
- ↑ "装空调了！上海地铁宜山路站换乘通道内空调和电扇一起开启". 东方网. 2023-08-05. Retrieved 2023-08-06.
- ↑ 临时通道搭设十多年后，上海宜山路地铁站换乘通道将开始改造. 澎湃新闻 (2023-10-24).
- ↑ 陈逸欣 李佳蔚 (2024-06-19). "新增电梯空调，曾被吐槽又热又长的上海宜山路地铁站换乘通道完成改造". 澎湃新闻. Retrieved 2024-06-19.
外部链接
[编辑]
- 上海地铁—3号线宜山路站车站信息[链接坏脱]
- 上海地铁—4号线宜山路站车站信息 档案，存勒互联网档案馆当中。（2018年5月1号）
- 上海地铁—9号线宜山路站车站信息 档案，存勒互联网档案馆当中。（2018年6月13号）
