曹杨路站

曹杨路站来勒上海市普陀区凯旋北路曹杨路，为上海轨道交通3号线、4号线、11号线个换乘站。14号线个车站勒拉武宁路凯旋北路路口，本生叫东新路站，现在同3/4/11号线实行虚拟换乘，也就是需要出站换乘。

车站事故

2018年12月25号18点55分，3号线344号列车勒拉曹杨路站进站个辰光，有乘客自家违规翻车站个屏蔽门，自家翻进轨道里向，司机发现站台末端有乘客翻屏蔽门仔么就连忙紧急制动。必过列车还是轧着乘客，再加上伊畀屏蔽栏杆搭车子夹牢只腰，故咾救护人员到场后宣布箇位乘客走脱哉。箇桩事对当天夜高峰造成一定个影响。